Page 95 - С.С.Аржаков, Н.Н.Петров. Военное лихолетье

Нина Акишеваҕа барбыггара. Мария Новосибирскай куоракка атах таҥаһын тигэр
фабрикаҕа рабочайынан үлэҕэ киирбитэ. Онно үлэлии сылдьан закройщица идэтин
баһылаабыта. Кини ити фабрикаҕа уопсайа сэттэ сыл үлэлээбитэ.
Аҕа дойду Улуу сэриитэ саҕаланыыта медицинскэй сиэстэрэлэри бэлэмниир
курска үөрэммитэ. Кыргыттар күнүһүн фронт сакааһын толорон фабрикаҕа үлэ-
лииллэрэ. Киэһэтин үлэ кэнниттэн курска үөрэнэллэрэ. Курстарын бүтэрбиттэ-
рин кэннэ, 1943 сыл муус устар ыйга фроҥҥа ыыппыттара. Кыргыттар Ташкент
куоракка тиийбиттэрэ. Кинилэри повардар уокуруктааҕы курстарыгар үөрэппит-
тэрэ. Үс ый буолан баран сержант званиелаах Арҕаа фроҥҥа барбыттара.От ыйын
бүтүүтэ этэ. Повар кыргыттар эшелоннара анаммыт сиригэр тиийбитэ. Ол инники
кирбии — фронт этэ. Эргиччи кутаа уот кытыастара, снарядтар эстэллэрэ. Буомба-
лар түһэн сири-буору тоҕута тэбиэлээн, хара будулҕан күнү-ыйы бүөлүүрэ...
Мария Афанасьевна 311 №-дээх өрөмүөннүүр батальоҥҥа поварынан анаммыта.
Бэйэтин чааһын кытта советскай Украинаны, Белоруссияны босхолооһуҥҥа кыт-
тыбыта. Бырааттыы Полыпа сиринэн охсуһуу суолун ааспыта. Полыпаҕа Висла өрүһү
туорааһыҥҥа батальон ураты хорсун-хоодуот буолуу холобурун көрдөрбүтэ. Ити
кыргыһыыга аан бастаан Мария Афанасьевна Үрдүкү Кылаабынай Командующай
махтал суругун ылар үрдүк чиэстэммитэ. Кыайыылаах Советскай Армия өстөөҕү
Чехословакияҕа үлтү урусхаллаабыта. Саха буойун кыыһа Варшаваны ылыыга кыт-
тыбыта. Онтон гитлеровскай үөрдэр арҕахтарын — Берлини штурмаласпыта.
Ийэ дойдуну көмүскүүр Улуу сэрии актыыбынай кыттыылааҕа, сэрии кэнни-
нээҕи кэмҥэ республика чэлгийэ сайдыытыгар күүһүн-билиитин биэрбит, сайдыы-
лаах саҥа олох хорсун кыыһа Мария Афанасьевна Слепцова билигин бочуоттаах
сынньалаҥҥа олорор.
П. ОКОНЕШНИКОВ,
СР оскуолатын үтүөлээх учуутала

СИБИНИЭС АРДАХ АННЫНАН...

Анна Кшрилловна Нектягаева 1923 сыл алтынньы 15
күнүгэр Өлүөхүмэ оройуонун Тээнэ дэриэбинэтигэр
төрөөбүтэ. Оскуоланы бүтэрэн баран, Дьокуускайга те-
лефоннай станцияҕа техниктаабыта.
Аҕа дойду Улуу сэриитигэр 1943 сыл тохсунньутуттан
сэрии бүтүөр диэри III Украинскай фронт 66-с стрелко-
вай корпуһун 978-с сибээс батальонугар сулууспалаабы-
та. Запорожье, Никополь, Николаев, Одесса, Бендеры,
Бургас, Варна куораттары босхолоспута. Аҕа дойду сэри-
итин II степеннээх орденын кавалера, “Бойобуой үтүөлэ-
рин иһин”, “Аҕа дойдуну көмүскүүр Улуу сэрии 1941—
1945 сс. килбиэннээх үлэтин иһин”, “Германияны кы-
айыы иһин” мэтээллэрдээх. Эйэлээх кэмҥэ Ленин ор-
денынан наҕараадаламмыта. Билигин Московскай уоба-
лас Дмитров куоратыгар пенсияҕа тахсан олорор.
Бүгүн Анна Кирилловна сэриигэ, кыыс оҕо ылбычча кыайбат сырыытыттан
ахтыытын, ааҕааччыларга тириэрдэбит.
— Саллаат сулууспата диэн ыарахан. Ардах-хаар аннынан, хонуунан-бадараа-
нынан элбэх сири хаампыппыт. Украина туой буора саппыкыбытын халыҥ бада-
раанынан бүрүйэрэ. Фашистар күҥҥэ 25—30 км “бууттара быстарынан” куоталла-
ра, биһиги кинилэри эккирэтэн, үгүстүк сынньанар, утуйар диэни билбэккэ, ки-
һилии аһаабакка иннибит диэки барарбыт. Днепр, Днестр, Буг өрүстэри туо-

93