Page 135 - Бэстэрикиэптэр. Олох салҕанар

Бэстэрикиэптэр. Олох салҕанар

Бэрт киһи бэтиэхэлээх
Бэстирикиэп

Ыкса билсэр, уруккуттан үчүгэйдик билэр киһиҥ туһунан тылгынан
сатаан эппэккин, суруйаргын да тутахсытаҕын. Наһаа хайҕалы дуу, эбэ-
тэр эн туе бэйэҕэр суолталаах эрээри дьоҥҥо тугу да эппэт, санаппат
түгэннэрдээх буолан дуу, оннук доҕор туһунан нэмин булан суруйуу
уустуктардаах.
Бастаан утаа, бодоруһарбыт саҕана, телефонунан араас дьон куола-
һынан араастык саҥаран тыаһаттаҕына - туох кистэлэй - сороҕор, кы-
һыйар, кыйаханар да этим. Холобур, биир үөлээннээҕим холуочуйан эмиэ
харчы көрдөөн эрэр дуу диэн ыксаталаан эрдэхпинэ, кулэн чачыгыратан
сороҕор, биллэрэн, тутан ыларым. Бэтиэхэ киһиттэн итинтэн ордугу
күүтүөҥ дуо дии санаан, санаа-оноо баттаабатах доҕорум саҥатын ис-
тэн, наһаа үөрэрим. Эдэр эрдэххэ, туох кистэлэ кэлиэй, олоххо барыта
дьэҥкэ, чэбдик буоллаҕа...
Саха аатырбыт артыыһын Бүөтүр Бэстирикиэби доҕорум, поэт Савва
Тарасов билиһиннэрбиттээх. 1977 сыл сааһыары Москваҕа Бүтүн Россия-
тааҕы эстрада артистарын конкурсугар Петр Пестряков лауреат буолан
бастакы миэстэни ылбыта. Аны бэрдэ бэрт буолан чугаһатан иккис
миэстэни кимиэхэ да анаабатахтар, үсүһү - Москва уонна Ленинград
ааттаахтара бэйэлэрэ уллэстибиттэр диэн, дьэ, сөҕүү-махтайыы бөҕө,
Москваҕа баар сахалар мустан ити дьикти түгэни бэлиэтиир үһүбүт диэ-
ни истэн, мин, Дьокуускайтан командировкаҕа тиийэ сылдьар киһи, “мии-
гин илдьэ бар» диэн Савва Ивановичтан көрдөспүтүм. Улаҕата көстүбэт
улахан саалаҕа сүүһүнэн араас биллиилээх, аатырбыт кыраһыабай дьон
халҕаһатын быыһыгар “Бэстирикиэптэрэ” диэн хайаларай?” - диэн таайа
сатыы сырыттахпына, бэрт чэбэр, сэргэх киһини көрөн олус да эдэр
барахсан эбит дии санаабытым.
Артыыстарыҥ да араастар. Сорохторун аар-саарга аатырбыттарын
истэн дьоно-сэргэтэ хайгыыр. Сорохтор үрдүк өһүөлээх улахан дьон ха-
лыҥ хамаандатын хаҥаталлар, ордук быыбардарга, оннооҕор, “ким эрэ
бас билиитэ” артыыстара баар буолбуттар дуу дии саныыгын. Ол эрээри
артыыс үлэтэ бу олох оонньуута, олоҕунан оонньооһун буолан дьон ку-

9* 131