Page 138 - Бэстэрикиэптэр. Олох салҕанар

Бэстэрикиэптэр. Олох салҕанар

Олоҕуҥ бэйэҕиттэн
тутулуктаах

Олох араастык эргийэр. Түһүү, тахсыы, оллурдаах олох арахсыспат
аргыстарынан буолаллар. Арай киһи киһи буолан үүммүт, үөскээбит кы-
ракый алааһа, алааһыттан таһааран улахан айан суолугар сирдээбит
кыракый ыллыга, дьиэтиттэн тахсарыгар сайыһа хаалбыт ийэтэ олорор
олох устата сылааһынан угуттаан, санньыйар, санааргыыр күннэтэ санаа-
ны уһатан салгыы олорорго кыах биэрэр дьикти күүстээхтэр. Киһи ханна
да сырыттар, хайдах да буолан төнүннэр, төрөөбүт сирэ-дойдута, төрөппүт
ийэтэ, аҕата мэлдьи кинини суохтуулларыгар, үөрэ-көтө көрсөллөрүгэр ку-
руук эрэнэр. Ол энчирээбэт эрэл үйэ тухары сырдык уот буолан олох
буомнарын туоруурга күүскэ - күүс, кыахха - кыах угар.
Мин бүгүн кэпсэтэр киһим Филипп Петрович Пестряков олоҕун уста­
та итинник санаанан салайтаран кэлбит киһинэн буолар. Кини Бэчээт де-
партаменын салайааччытынан бу күннэргэ үлэтин саҕалаата.
- Филипп Петрович, кэпсэтиибитин болдьоһор кэммитигэр эн Амма
улууһугар 17 сыл үлэлээбитим диэн киэн тутта хаста да бэлиэтээбитиҥ.
Бэйэҥ Уус-Алдантан төрүттээххин билэбин. Ол эрээри, Амма олоххор
улахан суолтаны ылбыт быһыылаах дии.
- Кырдьык, Амма кэлиҥҥи олохпор улахан оҥкулу түһэрбит, үлэһит
буолан үүнэрбэр көмөлөспут дойдубунан буолар. СГУ физмат факультетын
бутэрэн баран (оччолорго байыаннай кафедра саҥа аһыллыбыта), икки
сыл армияҕа сулууспалаабытым.
Ол кэнниттэн 1974 сыллаахха, Амма оройуонун II Чакыр оскуолатыгар
математика учууталынан ананан кэлбитим. Сотору кэминэн миигин заву-
һунан анаабыттара. Чакырга 4, 5 сыл үлэлээбитим кэннэ Соморсун орто
оскуолатыгар директорынан ыыппыттара. 1982 сыллаахха Соморсун сель-
советын председателинэн талыллан түөрт сыл устата үлэлээбитим. Ол
кэнниттэн ССКП райкомун отделын сэбиэдиссэйинэн үлэлии сылдьыбы-
тым.Ол иһин этэбин, Аммаҕа мин киһи, үлэһит, салайааччы быһыытынан
сиппитим-хоппутум. Онон Амманы иккис төрөөбүт дойдум курдук күндүтук
саныыбын.

134