Page 137 - Бэстэрикиэптэр. Олох салҕанар

Бэстэрикиэптэр. Олох салҕанар

аллара түспүттэр. Айдаан-мөккүөр бөҕө буолбут. Ол күн Бүөтүр Бэстири-
киэби тоһуурга чугаһаппатахтар.
Бүөтүр олоххо буолбуту туоһулуур, дьиибэни, дьээбэни кэпсиир тэ-
бэнэттээх, бэтиэхэлээх артист буолан уос номоҕор киирдэҕэ. Хаста да
Бэстирикиэптиин гастролга биир айаҥҥа сылдьыбыт артистар убайда-
рын туһунан улахан убаастабылынан киэн тутта кэпсииллэрин ити П.А.
Ойуунускай аатынан драмтеатр артистара Дьаакып Кыычыкын туһунан
кэпсииллэригэр ханыылаатым.
Бүөтүр Бэстирикиэп бэлэм суруллубуту ааҕан, оонньоон эрэ биэр-
бэт. Бэйэтэ уу сахалыы атын омук аатырбыт автордарын айымньыла-
рын тылбаастаан, бэйэтэ айбыт кэпсээннэринэн моноспектакль ту-
руорбута, кинигэ суруйбута историяҕа биир бэлиэ кэрдиис буолла.
М.Горбачев киллэрбит уларыта тутуу, түргэтэтии кэмигэр биһиги ис-
кусствобыт үлэһиттэрэ, маастардара туора турбатахтара, бэйэлэрэ ол
дьалхааннаах кэми хайдах өйдүүллэринэн, сүрэхтэринэн, дууһалары-
нан олох сүҥкэн уларыйыытыгар актыыбынайдык кыттыбыттара, кэтэ-
мэҕэйдээн көрөн турбатахтара. Олохпут көнөөрөй, тупсаарай диэн тыа
сиригэр улааппыт, көнө сүрүннээх, чараас дууһалаах саха талааннаах
уола оннооҕор политическай оонньууга бастакы хардыылары эмиэ оҥоро
сылдьыбыттааҕа. Ити кинини киһи быһыытынан сиппитин-хоппутун, бэйэтэ
тус санаалааҕын кэрэһилиир. Ол кинини үрдэтэр, киэргэтэр эрэ.
Көр-нар, бэтиэхэ сахаларга ураты болҕомтоҕо сылдьар. Дьоммут-сэр-
гэбит хайа да түгэҥҥэ иһийэн, дьиппинийэн баран сылдьыбатыннар, биир
иигэ киирэн киэлии кэбэ эргийбэтиннэр диэн уус-уран бэргэн тылынан,
туттуунан-хаптыынан саха өркөн өйүн түстээтэхтэрэ улуу булугас
өйдөөхтөрбүт, бөлүһүөктэрбит Сэһэн Ардьакыап, Наара Суох убайдарбыт.
Силлиэ да сөрөөтун симиттибэт, силбик-хаар да баттаатын өҕүллүбэт,
куйааска сөрүүкэтэр, тыаллаахха дурда-хахха буолар баараҕай маска
холуубун - олус сөбүлүүр, ытыктыыр суду артыыһым, бэрт киһи бэтиэ­
хэлээх Бэстирикиэп көрөн-харайан үүннэрсибит сахабыт эстрадатын.

Вит алий А Н Д Р О С О В , м елодист .
«С аха с и р а » хаһыат ,
1 9 9 9 сы л ахсы нн ь ы 2 3 к ү н э .
133