Page 29 - Бэстэрикиэптэр. Олох салҕанар

Бэстэрикиэптэр. Олох салҕанар

Сэрии кэннинээҕи сылларга Бүөтүр оҕонньор колхуос араас үлэтигэр
сылдьыбыта. Барыны бары сатыыр көмүс илиилээх колхуос стахановеһа
ханнык да үлэттэн толлон турбат эта. Абаҕа нэһилиэгин кырдьаҕас
олохтоохторо кинини үчүгэйдик билэр, өйдүүр буолуохтаахтар. “Саахар
Харах” диэн таптаан хос ааттыыллара.
Бүөтүр Уйбаныап (аҕатын аатын умнан кэбиспиппин) Сунтаар улуу-
һуттан төрүттээх киһи эта. Ааһан иһэр үйэ саҕаланыытыгар Сунтаар-
тан Аанньаахха көһөн киирэн Абаҕа нэһилиэгэр олохсуйбуг Уйбаныап-
тар улахан кыыстара Маарыйа Дьокуускайга учуутал үөрэҕэр үөрэнэ
сылдьан Петр Петрович Пестряковка кэргэн тахсыбыта. Ньукулай
диэн уоллара Хоойо Киргиэлэйгэ иитиллэн Габышев Николай Григо­
рьевич диэн суруллар буолбута. Сэрии кэнниттэн Ньукулай Өлүөхүмэҕэ,
онтон калин сылларга Уус-Алдан улууһугар үлэлээбит буолуохтаах.
Иккис уоллара Гусим Петрович миигиттэн түөрт сылынан балыс.
Ол эрээри колхуос үлэтигэр-хамнаһыгар наар бииргэ үлэлиир эти-
бит, иллэҥ кэммитигэр бииргэ оонньуурбут. Калин учуутал идэтин
баһылаан өр кэмҥэ учууталлаабыта. Билигин пенсионер.
Уйбаныаптар кыра уоллара Өлөксөй эмиэ кыра сааһыттан үлэҕэ
мускуллан улааппыт киһи. Уопсайынан, Уйбаныаптар дьиэ кэргэттэрэ
бука бары олорору-сынньанары билбэт олус үлэһит дьон этилэр. Абаҕа
нэһилиэгэр кинилэр тустарынан 80-ча саастаах ытык кырдьаҕастар
Екатерина Павловна Семенова, Елизавета Павловна Скопина, РСФСР
үтүөлээх учуутала, Өлүөхүмэ улууһун бочуоттаах гражданина Августи­
на Саввична Семенова кэпсиэхтэрин сеп.
Уйбаныаптар ийэлэрэ (ол эбэтэр Саахар Харах кэргэнэ) Акаап-
пый сырдык, номоҕон дьүһүннээх, сытыы-хотуу, кэпсэтинньэҥ, сыл-
дьар ыалдьыты чэйдэппэккэ ыыппат, дьоҥҥо барытыгар себулэтэр
эйэҕэс майгылаах дьахтар эта. Дьон-сэргэ кинини “биһиги Акаап-
пыйбыт норуот киһитэ, кини сатаабатаҕа суох” диэн ытыктаан этэл-
лэрин мин ийэм (эмиэ Акааппый) куруутун кэпсиирэ. Икки Акааппый-
дар керсустэхтэринэ сэһэннэрэ-тэппэннэрэ бүппэт буолара. Өссө
ыалбыт Кэтирииҥкэ киирдэҕинэ күлүү-салыы бөҕө буолаллара.
...Акааппый фермаҕа үрүҥ илгэни үрүлэтиигэ үлэлии сырыттаҕы-
на, биирдэ колхуос бырабылыанньатыгар ыҥыран ылбыттара. Акаап-

25