Page 27 - Бэстэрикиэптэр. Олох салҕанар

Бэстэрикиэптэр. Олох салҕанар

дойдулаахтарбыт бэйэлэрин үөлээннээхтэрин чуолаан хос ааттарынан
түргэнник өйдүөхтэрэ, саныахтара. Бүгүн биһиги Уйбаныаптар дьиэ кэр-
гэттэрин туһунан очурдаах оҕо сааспытыгар тугу өйдөөн хаалбыппытын
кэпсиэхпитин баҕарабыт.
...Аҕа дойду Улуу сэриитэ саҕаланар сылыгар мин 14 сааспын туол-
бут этим, оттон Боянов Ньукулай миигиттэн биир сылынан балыс этэ.
Сайын үгэннээн турар кэмэ этэ. От-бурдук өлгөмнүк үүммүтэ. Ленин
аатынан колхуоспут эр дьоно үксүлэрэ Кыһыл Армияҕа ыҥырыллан бар-
быттара. Арай оҕолор, дьахталлар, кырдьаҕастар эрэ хаалбыттара.
Биир кун уопсай мунньах ыытылынна. Оттон биһиги, обургу уолат-
тар, колхуос чилиэннэрэ буоларбыт быһыытынан мунньахтарга олус
сэргээн, ыҥырыга да суох сылдьарбыт.
Бу сырыыга мунньахпыт уһаан-кэҥээн түүн үөһүгэр диэри салҕа-
нан барда. Иккис биригээдэ биригэдьиирэ Киргиэлэй Уоһукап туран
маннык тыл этэр:
- Кэбиһиигэ улахан хаалыы таҕыста, кыдамаһыты уонна түсчүтү
булуохха наада. Саамай обургу үлэһитим Өссүөнтэй Халтаанап уоннааҕы-
лара киниттэн кыра саастаах оҕолор.
- Кыдамаһытынан Уйбаан Максимовы, оттон түсчүтүнэн Бүөтүр Уй-
баныабы аныахха наада, - диэн колхуос председателэ Яков Тимофее­
вич Комин ыйыы-кэрдии биэрдэ.
- Ол кимнээҕи этэҕин, нэһилиэк аҥара Уйбаныаптар уонна Макси-
мовтар дии, сахалыы ааттарын ааттааҥ, - дэстилэр саалаттан.
- Солко Уйбааны уонна Саахар Харах Бүөтүрү этэбин дии, - Яков
Тимофеевич быһааран биэрдэ.
- Биир бастыҥотчуппутУйбаныап Баһылай (Ньылаах Бааска) бэбиэс-
кэ туппут, сарсын-өйүүн армияҕа барар. Ол оннугар Уһун Ылдьааны
(Илья Корнилов) биһиэхэ ыытыҥ, - биригэдьиир Кирииһэ Уоһукап три-
бунаттан түспэт киһи буолла.
Табаах буруотун быыһынан саалаҕа олорор дьон сирэйдэрэ арыычча
көстөр, сөтөллүү-хахсыйыы элбээтэ. Кыыллаахтан сылдьар Акаары Ма-
каар диэн дьээбэлээх киһи сыҥааҕырдаан дьааһыйда уонна түүн орто-
то быдан ааспытын санатан бөтүүктүү хаһыытаата. Мунньахтан сылайан
нуктуу олорор дьон сэргии түстүлэр, суугунаһыы буолла.
23