Page 30 - Бэстэрикиэптэр. Олох салҕанар

Бэстэрикиэптэр. Олох салҕанар

пый хонтуораҕа баран иһэн “тоҕо ыҥырдахтарай”» диэн улахан мунаа-
ран толкуйга түспүтэ. Председатель Иван Николаевич Прокопьев Акаап-
пыйы үөрэ-көтө көрсүбүтэ: “Акааппый, кэпсээниҥ, үүккүт-аскыт хай-
даҕый?”- диэн ыйыталаһан барбыта.
- Бу куйаас күннэргэ лаппа түстэ.
- Билэбин, билэбин. Бөтүрүөп ардаҕа чугаһаата. Сөрүүн күннэр сотору
кэлиэхтэрэ.
- Оннук эрэ буоллун...
- Акааппый, эйигин саҥа үлэҕэ, барааны көрүүгэ ыытаары гынабыт.
Бараан Маарыйаны уонна Мэнэрик Киэскэни кытта бииргэ үлэлиэххит.
Олорор дьиэ-уот да баар, - диэн баран председатель соругун сиппит киһи
быһыытынан олоппоһугар олорунан кэбистэ.
- Хайа, ол кыыллары кытта хайдах үлэлиэхпиний? - Акааппый со-
һуйан айманар.
- Бастыҥ үлэһиппитин көмөҕө ыытан эрдэхпитдии.
- Ол бастыҥнар миигинэн эрэ бүппүттэр үһү дуо?
Хайыай, Акааппый саҥа үлэҕэ барбыта. Хайа уонна ыалга дьукаахта-
һан олорор курдук буолуо дуо? Онон бары өртүнэн табыгастаах курдуга...
Отутус сылларга аҕа уустара тус-туһунан түөлбэлээн олорбуттара.
Бырааттыылар Ыстапаан уонна Байбал Халтановтар Күөнэхтээх үрдүгэр
сыһыыга олорбуттара. Кинилэр сайынын сайылыктарыгар Үрэххэ көһөллөрө,
күһүөрү, бастакы хаһыҥнар түһүүлэригэр кыһыҥҥы дьиэлэрин булаллара.
Бэйэлэрэ оттуур ходуһалаах, бурдук ыһар кыра бааһыналаах этилэр. Би-
бит кыра дьиэбитигэр Уйбаныаптар дьукаах олорбуттара. Онон Бүөтүр
оҕонньору, ийэлэрин Акааппыйы, кыыстарын Маарыйаны, уолаттарын Ньу-
кулайы, Гусимы, Өлөксөйү үчүгэйдик билэбин. Ийэлэрэ Акааппый өссө
оройуоннааҕы уонна олохтоох Сэбиэттэргэ дьокутаат буолбутун эмиэ
өйдүүбүн. Ол эрээри хаһыс сыллаахха быыбардана сылдьыбытын чопчу
этэр кыаҕым суох. Кини дьокутаат быһыытынан бэйэтинталыллыбытуокуру-
гар, нэһилиэгэр улахан тэрийэр үлэни ыыппыта чахчы.
Киһи олоҕо оҕолорунан, сиэннэринэн салҕанан баратурар. Ол курдук,
Уйбаныаптар сиэннэрэ Пестряковтар, Гусим Петрович Иванов оҕолоро,
сиэннэрэ эһээлэрин-эбээлэрин олохторун салгыыллар. Пестряковтар ха-
лыҥ аймахтара Уус-Алдан улууһугар, Дьокуускайга олороллор. Уонча сыл-

26