Page 38 - Untitled

быт дьоҥҥо, ыалларга көмөнү оҥоруу суһаллык, үгүс араас тэ-
рилтэлэри, хампаанньалары хабан, ыытыллыбыта.
Үлэбит уопсай түмүгүнэн «Социокультурное развитие Рес­
публики Саха (Якутия) на рубеже веков» диэн кинигэ тахсан
турар. Бу үгүс статистическай сыыппаралардаах, социаль-
най-экономическай ырытыылардаах кинигэ өрөспүүбүлүкэбит
оччотооҕу уларыйыылаах кэмҥэ историятын чинчийиигэ мэл-
дьи туһалаах буолуоҕа.
Иһитиннэрэр-биллэрэр эйгэни кытта үлэлэспит буоламмын,
бу боппуруоска сиһилии тохтоон суруйабын. Госкомиздат уон-
на Гостелерадио өрөспүүбүлүкэ биир кырдьаҕас ведомствола-
рынан буолаллар, инньэ Ойуунускай саҕана олохтоммуттара.
Ол эрээри 90-с сылларга ведомствоны үрэйэн, партийнай из-
дательствоны салайан олорбут сытыы-хотуу салайааччы Илья
Филиппович Михальчук бырайыагынан өрөспүүбүлэкэтээҕи
типография базатыгар «Сахаполиграфиздат» национальнай
издательскай-полиграфическай хампаанньа диэн улахан тэ-
рилтэ олохтоммута, хаһыаттар бары бу холбоһукка киирбит-
тэрэ. Дьиҥэ, типография бэчээттииргэ сакааһы толорооччу
буоллаҕа дии, онон идеологическай үлэни толорор аналлаах
эрэдээксийэлэр производственнай тэрилтэҕэ бас бэринэллэрэ
табыгаһа суоҕа.
Е.С. Васильева 1999 сыллаахха Бэчээт департаменын сала-
йааччытынан Филипп Петрович Пестрякову анаппыта. Онтон
ыла ведомство атаҕар турбута, өрөспүүбүлүкэ былааһын са-
лаата сатала суохтук производственнай тэрилтэҕэ салайтаран
олорбута тохтообута. Иһитиннэрэр-биллэрэр эйгэ бары бөдөҥ
да, дьоҕус да тэрилтэлэрэ: «Саха» НКИХ, «Бичик» НКК, «Саха­
полиграфиздат» НИПХ, өрөспүүбүлүкэтээҕи уонна улуустааҕы
хаһыаттар, сурунааллар бары департамент салайыытыгар
киирбиттэрэ, кини нөҥүө үбүлэнэр буолбуттара, сыыйа сала-
йар каадырдарын анааһын эмиэ департаментан тутулуктанан
барбыта. Департамент каадырдара быһаарыллыбыттара, атын
ведомстволары кытта тэҥнэспитэ.

34