Page 45 - Untitled

лыстыбатын Бэрэссэдээтэлин солбуйааччынан Е.С. Василье­
ва анаммыта. Екатерина Сидоровна райком сэкирэтээринэн,
өрөспүүбүлүкэ Үрдүкү Сэбиэтигэр уо.д.а. эппиэттээх дуоһу-
настарга үлэлээбит, араас үлэҕэ-хамнаска эриллибит киһи
буолан, уопута, билэрэ-көрөрө элбэҕэ, кими баҕарар кытары
уопсай тылы булар, баар кыһалҕаны төрдүттэн ылан быһаарар
үтүө хаачыстыбалардааҕа. Дьиҥ сахалыы сиэрдээх, айылҕаттан
мындыр, ийэ өйдөөх уонна төрөөбүт норуотун, дьон туһугар
кыһамньылаах салайааччы этэ.
Биир үтүө күн кылаабынай эрэдээктэр В.Н. Луковцевы кыт-
та бэйэбит эйгэбитин иилиир-саҕалыыр саҥа анаммыт бы-
рабыыталыстыба бэрэссэдээтэлин солбуйааччыга баар уус-
тук кыһалҕаларбытын быһаартараары киирдибит. Үлэҕэ баар
ыарахаттары кэпсээн баран, «Бичик» кыһаны өрүһүйэр биир
сүрүн суолунан кинигэ тахсыытын өйүүр хас да сыллаах тус
сыаллаах анал судаарыстыбаннай бырагырааманы ылынар
наадалааҕын эппиппит. Екатерина Сидоровна биһигини олус
болҕойон истэн баран: «Баар-суох соҕотох национальнай ки-
нигэбит кыһатын моҥкуруут ыыттарарбыт табыллыбат, тугу
эмит толкуйдуохпут, мин Бырабыыталыстыба Бэрэссэдээтэлэ
Василий Михайлович Власовка киирэн кэпсэтэ сылдьыам», —
диэн бэрт эрэллээхтик эппитигэр, биһиги олус үөрэн, эгди буо­
лан тахсыбыппыт.
Ол кэннэ сотору Екатерина Сидоровна: «Василий Михайло-
вичтыын кэпсэттим, биллэн турар, балаһыанньа уустук, үп-хар-
чы кырыымчык да буоллар, тылбын ылынна, сөбүлэстэ. Эһиги,
бырабыыталыстыба мунньаҕар көмүскүүр гына, тус сыаллаах
судаарыстыбаннай бырагыраамаҕытын бэлэмнээн, оҥоро ох-
сон киллэриҥ», — диэн үөрүүлээх сонуну эппитэ. Дьэ ол кэннэ
биһиги солбуйааччым А.А. Борисованы, кылаабынай эрэдээк­
тэр В.Н. Луковцевы кытары үһүө буоламмыт түүннэри-күнүстэ-
ри ити бырагырааманы оҥорорго түһүммүппүт. Сатаатар, оч-
чолорго итинник тус сыаллаах бырагырааманы оҥорбут атын
тэрилтэ да баара биллибэтэ. 1998 с. бүтэһигэр бырагыраамабы-
43