Page 47 - Untitled

Норуодунай, улахан суруйааччылар утуу-субуу олохтон ба-
раннар, кинигэ тахсыыта, тарҕаныыта быста мөлтөөн, саха ли-
тературата кэхтэ быһыытыйбыт кэмигэр урут бэчээттэнэ илик
ааптардар, эдэр суруйааччылар кинигэлэрэ тахсыыта элбээн,
өйөбүл оҥоһуллан, иккис тыын киирбитэ. Ити бырагыраама
үлэлиэҕиттэн биһиги хотугу аҕыйах ахсааннаах норуоттар тыл-
ларынан кинигэлэри сылын ахсын тиһигин быспакка таһаарар
кыахтаммыппыт. Ол, биллзн турар, судаарыстыба кинилэргэ
биллэр-көстөр көмөтүнэн буолбута. Инньэ гынан, «Бичик» на-
циональнай кыһа моҥкуруут барыан сөптөөх суолтан өрүһүнэн
турар. Маныаха Е.С. Васильева кыһамньыта, туе оруола сүҥкэн.
Бырабыыталыстыба Бэрэссэдээтэлин солбуйааччытын пла-
неркатыгар миниистирдэри сэргэ тустаах тэрилтэлэр салайаач-
чылара Екатерина Сидоровна үлэлиир кэмигэр эрэ кыттыыны
ыла сылдьыбыппыт. Ол үп-харчы, экэниэмикэ министиэ-
ристибэлэрин уо.д.а. кытары ыкса ситимнээхтик үлэлэһэргэ
кыах биэрэрэ, болҕомтоҕо сылдьарбыт. Кини оннугар атын киһи
кэлбитин кэннэ, планеркаҕа ыҥырбат буолбуттара. Екатерина
Сидоровна, маннык үлэлиирэ төһө да элбэх бириэмэни, сыраны
ылбытын уонна сорох миниистирдэр сөбүлээбэтэхтэрин иһин,
баар балаһыанньаны, кыһалҕалары миниистирдэртэн эрэ буол-
бакка, быһаччы тэрилтэлэр салайааччыларыттан бэйэлэриттэн
истэрин ордороро. Бу оччотооҕу ыарахан кэмнэргэ сөптөөҕө,
түргэн быһаарыныылары ыларга табыгастааҕа уонна хас биир-
дии салайааччы туе эппиэтинэһин үрдэтэрэ.
Екатерина Сидоровна биһиэхэ, эдэр дьоҥҥо, эдьиийдии ис-
тиҥ-эйэҕэс сыһыанын иһин бэйэбит испитигэр «эдьиийбит»
диэн ааттыырбыт. Бэл диэтэр, бастаан уурайдаҕын утаа мум-
мут кус оҕолорун курдук санана сылдьыбыппыт баара. Кини
чахчы эдьиий кэриэтэ сүбэлээн-амалаан да, ыйан-кэрдэн да
биэрэрэ, барыбыт туһугар ис сүрэҕиттэн кыһаллара.
Онон ытыктабыллаах Екатерина Сидоровнаны «Айар» на-
циональнай кыһа уонна туе бэйэм ааппыттан өрөгөйдөөх
үбүлүөйүнэн эҕэрдэлиибин уонна ол уустук, ыарахан кэмнэр-

45