Page 65 - Untitled

ДРУЗЬЯ, РОДСТВЕННИКИ

ӨРҮҮТҮН КҮӨН ТУТТАБЫТ

Биһиги Уус Алдан улууһун Түүлээх диэн
нэһилиэгин саамай түгэх, соботунан су-
раҕырар, булдунан-аһынан аатырар Хатты-
гы диэн учаастагар олохсуйбут соҕотох Ва-
сильевтар буолабыт.
Катя эһэтэ биһи аҕабыт бииргэ төрөөбүтэ.
Аҕалара салайар үлэҕэ сылдьыбыт буолан,
оройуон киинигэр олорбуттара. Биир бириэ-
мэҕэ убайбыт Сидор Иванович Түүлээххэ
холкуос бэрэссэдээтэлинэн ананан үлэлии
тахсыбыта. Ол кэмҥэ Катя сэттэ сааһын туолан, Түүлээх сэттэ
кылаастаах оскуолатын боруогун атыллаабыта.
Екатерина кыра сааһыттан кылаас ыстаарыстата, пионер
баһаатайа, үөрэҕэр үчүгэй, сэмэй, салайбыт-дьаһайбыт майгы-
лаах бэрээдэк бөҕө кыыс этэ. Сол курдук олоҕор үтүөҕэ, үрдүк-
кэ талаһар, эппит тылын толорор, санаабыт санаатын ситиһэр
күүстээх хаачыстыбаларын өрө тутан, үлэлээн кэллэ.
Биһи эдьиийбит, балтыбыт Катя кыаҕа баарынан өрөс-
пүүбүлүкэ сайдыытыгар, кини туруктаах буоларыгар сыра-
тын биэрэн үлэлээбитин билэбит. Аймах-билэ дьонугар ама-
рах сыһыана, сүбэтэ-амата даҕаны баһаам. Ол иһин маннык
эдьиийдээхпитинэн өрүү күөн туттабыт.
63