Page 68 - Untitled

көмөлөһөн, бэйэлэригэр олордон өйөөбүттэрэ, үөрдүбүттэрэ.
Екатерина Сидоровна Иван ырыа айарынан дьарыктанарын
билэн, ырыаларын хомуурунньуга тахсарыгар, үлэлиир кэми-
гэр кулуупка эмиэ үгүс көмөнү, өйөбүлү оҥорбута. Кэлин Дьо-
куускайга көһөн киирбиппитигэр Роза, Екатерина Сидоровна-
лар биһиги саамай чугас, алтыһар ыалларбыт буолтара.

Анна Павловна, Иван Афанасьевич Васильевтар

ҮЛЭБЭ БЭРИНИИЛЭЭХ БУОЛУУ
ЧАҔЫЛХАЙ ХОЛОБУРА

Екатерина Сидоровналыын, Эдьиий Ка-
тялыын, мин үөрэхпин бүтэрэрбэр ыкса
билсибитим. Биир күн Эдьиий Розалыын
анаан дьиэлэригэр ыҥыран көрсүбүттэрэ.
Ити көрсүһүү мин олохпор сүҥкэн оруолу
оонньообута.
Үөрэхпин саҥа бүтэрэн эрэр кыыс, төһө
да куоракка хаалыахпын баҕарбытым иһин,
Уус Алдаҥҥа дуогабар түһэрсэн барыахтаах
этим. Оччолорго Дьокуускайга үлэ булар
сүрдээх ыарахаттардааҕа. Хамнас кыра, эдэр үлэһиккэ дьиэ
куортамныыр ыарахан. Арай эдьиий Катя: «Куоракка хаал, мии-
гин кытта олоруоҥ, үлэ булуохпут», — диэбитэ. Мин соһуйан да,
үөрэн да хаалбытым. Эдьиий Катялыын «эн-мин» дэһэн, ийэ-
лии-оҕолуу сыһыаннаһан икки сыл, мин ыал буолуохпар диэ-
ри, олорбуппут.
Эдьиий Катя наар үлэни өрө туппут киһи. Үлэҕэ бэринии
диэҥҥэ кини хаама сылдьар холобур буолар. Дьахтарбын диэн
ураты усулуобуйаны көрдөөбөккө, эр дьону кытта тэҥҥэ ыраах
да айантан чаҕыйбат этэ. Нэһилиэнньэни кытта көрсөн, наар
кинилэр кыһалҕаларынан үлэлиирин көрө сөҕөрүм. Улахан
66