Page 67 - Untitled

Онтон ахсыс кылааска аны мин Мүрүгэ үөрэнэр буолбутум.
Онно 8-9 кылаастарга Катялыын бииргэ түбэһэн, Герой Егоров
туттарбыт 1-гы нүөмэрдээх оскуолаҕа үөрэммиппит. Кылаас-
пыт оҕолоро бары сүрдээх эйэлээх этибит, уочаратынан киинэҕэ
билиэт ылан кылааһынан сылдьарбыт. Бииргэ үөрэнэр оҕолор-
бут күүстээх спортсменнар буоланнар, оскуола сүүмэрдэммит
хамаандатын саамай тутаах дьоно этилэр. Элбэх күрэхтэһии,
кэнсиэр, атын да тэрээһин ыытыллара. Субуота ахсын оскуола
2-с куорпуһугар танцылыырбыт, спортивнай күрэхтэһиилэр
тэриллэллэрэ. Оттон биһиги оҕолорбутугар «ыалдьааччынан»
сылдьарбыт. Катя уҥуоҕунан улахан буолан, дьүөгэтэ Ира Ан-
дросовалыын саамай кэлин паартаҕа олороллоро.
Ахсыс кылааһы бүтэрэр сылбытыгар Мүрүгэ аан бастаан
култуура уонна сынньалаҥ паарката аһыллыбыта. Онон бан-
кеппытыгар пааркаҕа баран танцылаабыппытын, кылааһынан
саҥа күнү көрсүбүппүтүн умнубаппыт. Кылааспыт салайаач-
чыта Михаил Иванович Колодезников этэ. Тохсус кылааска
киирэрбитигэр Кэптэни аҕыс кылаастаах оскуолатын бүтэрбит
оҕолор кэлэннэр, өссө элбии түспүппүт.
Мин тохсус кылаас бүтэһик чиэппэриттэн Тандаҕа көспүтүм,
онон Катялыын онтон ыла көрсүбэтэхпит. Хаһан эрэ Катялыын
аймахтыы буолуохпут диэн толкуй да суоҕа.
Танда балыыһатыгар үлэлии сылдьан Иван Афанасьевич
Васильевы көрсөн, ыал буолбуппут. Кэргэним аҕатынан Ка-
тялаахха олох чугас аймахтыы буолан тахсыбыта. Онтон ыла
дьэ билсэн, чугасаһан, бэйэ-бэйэбитигэр сылдьыһар, көрсүһэр
буолбуппут.
Биһиги Түүлээххэ көһөн киирэн олохсуйан, иккиэн биэн-
сийэҕэ тахсыахпытыгар диэри үлэлээбиппит, дьиэ-уот туттан
олорбуппут. Катя эдьиийиниин Роза Сидоровналыын сайын-
нарын сиэннэрин кытта биһиэхэ, Түүлээххэ, тахсан сынньанан,
дойдуларын, Алдан эбэлэрин салгынынан дуоһуйа тыынан, ай-
махтарын көрсөн, кырдьаҕастардыын кэпсэтэн атаараллара.
Кыыспыт үрдүк үөрэҕи бүтэрбитигэр куоракка үлэ буларыгар

5-331 65