Page 146 - Ульяна Винокурова. Е. П. Жирков Сайдыы суолун солоон...

II түһүмэх. Өркөн өй күүһэ

Правительство парламент хонтуруолуттан куоттулар.
Иккиһэ, бу президент олус элбэх боломуочуйаны бэ-
йэтигэр ылынна, дьиҥэр кыаллара эбитэ буоллар,
утарсыам суоҕа этэ, оттон ол кыаллыбата көстө сыл-
дьар... Кини ис уонна тас политиканы мин бэйэм
быһаарыам диэн этэр, кырдьык, оннук ылан олорор,
ол Конституцияҕа эмиэ киирдэ. Бу сыыһа дии саныы-
бын, Госдумаҕа бүттүүн Россия талбыт депутаттара
үлэлииллэр, кинилэр этэр этиилэрэ, сүбэлэрэ аанньа
аахсыллыбата мөлтөх суол диибин...
- Егор Петрович, кистэл буолбатах, искусство, ли-
тература угус деятеллэрэ Россия модун капиталистиче-
скай государстволар колонияларыгар кубулуйда диэн
этэр-тыынар буолбуттара ыраатта. Холобур, Петр
Проскурин.
- Мин Советскай Союз диэн сүдү государствоҕа
иитиллибит киһибин, гражданин быһыытынан ол го-
сударствобынан киэн туттар этим. Билигин ол киэҥ-
куоҥ сүдү дойду айгыраабытыттан, кута-сүрэ тостубут-
тан санааргыыбын диэххэ сөп. Россия маннык суолу-
нан барыа суохтаах этэ. Быһаччы биир күнүнэн, биир
түгэнинэн барытын үнтү кумалаан, ый-күн ыһыаҕа
оҥоруо суохтааҕа. Мин саныахпар, бастаан конфедера-
тивнай государствоҕа кубулуйуох этэ, республикалар
атын государство буолалларын быһыытынан адьас
таһыччы, атын таһымҥа туруохтаах этилэр. Экономика,
хаһаайыстыба чааһынан биир ньыгыл, сүдү государство
быһыытынан олоруохтааҕа, олорбута, ону барытын ула-
рыта тутуу тосхолун уһун ырыҥалааһын кэнниттэн
ылыахтааҕа.
Олохпут уһуннук эрэйдэнэн көнүө дии саныыбын.
Билигин аллара түһүү бытааран, муҥур уһугун булан
эрэр. Дьэ онтон сыыйа өндөйөн, кыахпытыгар киирэн
барыа этибит. Россия били күлтэн-көмөртөн тиллэн
кэлбит улуу көтөр курдук, кынатыгар уйдаран тахсара

134