Page 149 - Ульяна Винокурова. Е. П. Жирков Сайдыы суолун солоон...

Улахан политика эйгэтигэр

- Россия саҥа Конституциятын иһинэн итинник үлэ-
лээтэххэ тугу эмэ ситиһиэххэ сөп дуу? Оннук кыаҕы
Конституция биэриэ дуу?
- Соччо биэрбэт. Норуот куоластааһыныгар тах-
сыбыт Конституция ити өттүнэн биһиэхэ улахан
кыаҕы биэрбэт. Республикалар, кыраайдар, уобаластар
бырааптарын тэҥнээн кэбистэ. Мин итиннэ сөбүлэс-
пэппин. Биһиги — государство буолабыт, оттон уоба-
лас, кыраай государство буолбатах. Биһиги экономиче-
скай дуогабардаахпыт, уобалас, кыраай итиннигэ суох.
Онон боломуочуйа да, быраап да өттүнэн биир кэккэҕэ
турбаттара чуолкай. Оннук буолуохтаах даҕаны. Дьон
ырытыытыгар тахсыбыт Конституция барыла мөлтөҕүн
этэн тураммын, бэйэм сыһыаммын тоһоҕолоон, Кон-
ституциянан буолбакка, Федеративнай дуогабарынан
ордук кэҥэттиэххэ сөп дии саныыбын.
- Оннук түбэлтэҕэ Конституция Федеративнай
дуогабары сотон кэбиһиэ суоҕа дуо?
- Федерация үрдүкү салалтатын ылар буоллахха,
дуогабары сото сатыа суоҕа. Оттон салайар аппарат,
федеральнай структура үлэһиттэрэ республика быраа-
бын кыччата, мөлтөтө сатаан тииһигириэхтэрэ дии са-
ныыбын.
Ол гынан баран, бу Конституция билиҥҥи эрэ усу-
луобуйаҕа, быстах кэмҥэ түбэһиннэрэн оҥоһуллубут
докумуон. Үйэлээхтик, инникини көрөн, киэҥ-куоҥ
толкуйдаах оҥоһуллубут докумуон буолбатах диэн тус
бэйэм саныыбын.
- Эн политиккын? Олоҕун хайа кэмиттэн политик
курдук санаммыккыный? Уларыта тутуу буолбатаҕа
буоллар политикаҕа охтуоҥ этэ дуо?
- Интэриэһинэй ыйытыы. Мин аҥардастыы поли-
тикпын дии санаммаппын. Бастатан туран, анал идэ-
лээх үлэһиппин, онтон политикпын дэниэхпин сөп.
Политик туохтан саҕаланар диэҥҥэ эппиэттиир уустук.

137