Page 185 - Ульяна Винокурова. Е. П. Жирков Сайдыы суолун солоон...
P. 185
Төрүт сиргэ уйгуну түстээн
туһугар ыалдьар, онно кыах баарынан көмөлөһөр са-
наалаахтар түмсэбит. Биһиги Саха Республикатын
гражданнара тэрээһиннээх буолалларыгар күүспүтүн
уурар баҕалаахпыт, дьулуурбутун туһаайыахпыт.
Саха сирин дьоно бүгүн ыһыллаҕас туруктаахпыт,
биэс-алта сыл анараа өттүгэр маннааҕар быдан ордук
сомоҕо этибит. Республикаҕа нэһилиэнньэ араас
араҥата, эҥэрдэринэн атааннаһыы, иэс-күүс аахсыы
суоҕа, биллэн турар, үчүгэй. Ол эрээри биһиги өссө
түмсүүлээх, сомоҕо буолуох тустаахпыт.
“Биһиги — Саха сирин дьонобут” общественнай-
политическай тэрилтэ тыа сирин уонна промышлен-
ность дьонун, араас идэлээх үлэһит, эдэр-кырдьаҕас
көлүөнэ барытын интэриэһин учуоттаан, кинилэри тэ-
рээһиннээх оҥорорго дьулуһар. Биһиэхэ үксүбүтүгэр
сыһыаннаах идеялары таба тайанан, интэриэспитин
кыттыһан туруорсар, көмүскүүр санаалаахпыт.
“Биһиги бары биир Саха сирин дьоно буолабыт, кэк-
кэлэһэ сылдьыаҕыҥ” диэн лозуннаахпыт.
Республикам дьоно! Биһиги тэрилтэбит партия
буолбатах, ол эрээри сүнньэ суох ким кыттара-кытты-
бата биллибэт хамсааһын буолара эмиэ сатаммат. Тэ-
рилтэ аата бэйэтэ даҕаны уопсастыбаҕа идеологияны
этэр. Государство, баҕар, идеологията суох да буоллун,
оттон общество идеала суох, уопсай сыала суох кыа-
йан олорбот. Биһиги “Саха сирин дьонобут” диэн
уопсай өйдөбүлү таһааран, ону тутуһан, дьону-норуоту
түмэр санаалаахпыт. Республика дьоно биир сомоҕо
курдук сананан, киһи аймах сыаннастарын өрө тутан,
хайа да омук тылын, культуратын барытын ытыктаан
олороргутугар кыһаныахпыт. Бу кыһарҕаннаах кэмҥэ
биһиги үөрүүбүтүн-кыһалҕабытын үллэстэн, бэйэ-
бэйэбитин өйөһөн олорорго дьулуһуоҕуҥ. Биһиги тэ-
рилтэбит сыала-соруга диэн ити.
173
