Page 186 - Ульяна Винокурова. Е. П. Жирков Сайдыы суолун солоон...

II түһүмэх. Өркөн өй күүһэ

Күһүҥҥү-кыһыҥҥы политическай олох сүрүн со-
бытиета — ахсынньы 22 күнүгэр Саха Республикатын
Президенин бары бүттүүн быыбардааһын буолар.
“Биһиги — Саха сирин дьонобут” общественнай-поли-
тическай тэрилтэ буоларын быһыытынан маны туорат-
тан көрөн турбакка, Устаапка этиллэрин курдук, быы-
бар хампаанньатыгар активнайдык кыттар, нэһилиэн-
ньэ киэҥ араҥатыгар өйдөтөр үлэни ыытан дьону
быыбарга тардар соругу туруорунар. Итинтэн сибээс-
тээн маннык суолларга тохтуом этэ.
Дьыала ким кими ордорон, биэс-хас киһиттэн
биирин таларыгар диэн эрэ буолбатах. Быыбар дьиҥ
иһэ — кэлэр 5 сылга биһиги хайдах былаастаах буо-
луохпутуй диэҥҥэ буолар.
Биэс сыл анараа өттүгэр республика суверенитет
ылынан, саҥаттан государственноһы бөҕөргөтөр, саҥа
экономическай сыһыаҥҥа киирэр кэминээҕэр би-
лиҥҥи былаас норуоттан быдан тэйдэ. Элбэх тэрил-
тэҕэ салалта икки, үлэ дьонун икки арда ырааппыт.
Бюрократия бөҕөргөөн, норуоттан сирэйэ-хараҕа суох
куота, үрдүнэн сылдьара олус күүһүрдэ. Бюрократ би-
лигин оннооҕор общественнай транспорт суолун
быһан туран Правительство дьиэтин иннигэр олбуор
тутарга, Президени норуоттан тимир хахха нөҥүө тэ-
йитэн сылдьарга мунньахха этии киллэрэртэн туттум-
мат.
Онон боппуруос турара кэлээри турар быыбарынан
сибээстээн олохтоох, киин былааһы даҕаны хайдах туп-
сарыахха, саҥатытыахха диэн санаа сөп. Биһиги но-
руоппут былаас састаабыгар, хаачыстыбатыгар сабы-
дыаллыыр кыаҕа бэрт сэдэх. Арай быыбар кэмигэр, ор-
дук Президент быыбарыгар конституция ыйыытынан
уонна республикаҕа баар балаһыанньанан сибээстээн,
дьон-сэргэ этэр тылын, туруорсар туруорсуутун былаас

174