Page 193 - Ульяна Винокурова. Е. П. Жирков Сайдыы суолун солоон...
P. 193
Төрүт сиргэ уйгуну түстээн
Ардыгар
Хараастабын
Аччыгыйдык сананан,
Аргыый намтаан хаамартан,
Киэҥ халлаан анныгар
Умса туттан сылдьар
үгүһүттэн.
Санаарҕыыбын
Сороҕор
Сүрэҕэлдьээһин баһаамыттан,
Баҕа санаа
сыыдама суоҕуттан,
Быстах быһыы
боростуойдук тахсарыттан,
Өйдөспөт буолуу
элбэҕиттэн.
Ол эрэн
ыһыктыбаппын
ыраас санааны,
ылыммаппын
өрө көрдөрбөт сыананы.
Ол эрэн
эрэнэбин эдэр күүскэ,
итэҕэйэбин
кэхтибэт кэскилгэ,
Сахам сирин
ыччат дьонугар!
Саныыбын
Мин маннык —
Олох мээнэ бэриллибэт,
Суолтата суох анаммат,
Күн анныгар күөрэйбит
Суола суох буолбат.
181
