Page 38 - Ульяна Винокурова. Е. П. Жирков Сайдыы суолун солоон...

I түһүмэх. Көнөр көҥүлү көрдөөн

этии туох итэҕэстээҕин, туох мөкүгэ тиэрдиэн сөбүн
чопчу быһааран биэрэрэ. Оттон холбоһуктаах мунньах
кэмигэр түргэнник хабан ылан, боппуруостаһан, бэйэ-
тин туруорсуутун атын өрүттэринэн эргитэн аҕала ту-
рар, докумуон бэлэмнии охсор, биир санаалаахтарын
түмэ тардар парламентскай охсуһуу дьиҥнээх маастара
этэ. Оннук киирсиилэргэ өйдөөбөт да өйдүүр, саарбах-
таабыт да быһаарынар, үтүө суобастаахтык үлэлиир де-
путат ылынар, маннык эрэ буоллаҕына сатанар эбит
диэн, чахчы бэйэтин санаатынан куоластыыр кыахта-
нар.
Саха Республикатын туһугар бэриниилээхтик үлэ-
лиир бөдөҥ государственнай деятель, олохтоох нуучча
ньургуна Василий Михайлович Власов депутат Егор
Петрович бэйэтин республикатын, дьонун-сэргэтин
туһугар үлэтин-сырыытын маннык сыаналаабыта:
“Егор Петрович ученай быһыытынан улахан си-
тиһиитэ, өҥөтө — Национальнай оскуола концепцията
буолар. Ол билигин кини министерствотын тэрийии-
тинэн олоххо киирэ турар.
Кинини өссө политик быһыытынан тоһоҕолоон
бэлиэтиэхпин баҕарабын. Буолаары буолан, уһулуччу
талааннаах политик. Егор Петровиһы кытта биһиги
Федеративнай дуогабары бэлэмнээһиҥҥэ, Российскай
Федерация саҥа Конституциятын барылын, ону сэргэ
Республикабыт Конституциятын барылын оҥорууга
бииргэ үлэлээбиппит. Кини Республика интэриэһигэр
олоҕуран, бэйэтин позициятын дакаастаан, утарсаач-
чытын итэҕэтэрдии туруулаһан көмүскүүрэ. Араас
комиссияларга, комитеттарга, ордук Федеративнай
дуогабары бэлэмнээһиҥҥэ, мөккүөр киэнэ кытаанаҕа
буолара. Егор Петрович итиннэ толору эппиэттиир
хаачыстыбалаах киһи.
Егор Петрович утарсыыны уйар, утары турар
дьоҕурун, кыаҕын бэлиэтиэххэ наада. Утары өрүттэр
кытаанах дакаастабылы сүрдээх хаҕыстык, тыйыстык

34