Page 41 - Ульяна Винокурова. Е. П. Жирков Сайдыы суолун солоон...

Саҥа тутул

Республикатын Конституциятын айыыга, олоххо кил-
лэриигэ уонна туруулаһан көмүскээһиҥҥэ биир
мөҥүрүөн, төгүрүк эргиир кэмҥэ - уон икки сыл
иһигэр — үөрүү-ситиһии өрөгөйүттэн самныы-хотто-
руу кыһарҕаныгар тиийэ политическай охсуһуу кырык-
таах киирсиитигэр кытынныбыт. Дьон хараҕын күннэ-
тэ аалбат оннук охсуһуу, дьон-норуот олоҕун огдолуп-
пат туһугар кимиэһиннээх киирсии сүтүктэрэ тута
көстүбэт.
Дьон-норуот туһа диэн идэтийэн үлэлиир политик
дьон саха омукка суоҕун кэриэтэ. Урукку өттүгэр но-
менклатура диэн ааттанар, государство салайар сити-
мин өрөөччү, көрөөччү партийнай салалтаҕа идэтийбит
дьон туспа кылаас курдук иитиллэн үлэлиирэ. Онтон
уларыта тутуу кэмэ кэлбитигэр саҥа сүүрээни хамсатар
өйдөөх-санаалаах дьон чараас араҥата үөскээбитэ, бы-
лыттаах халлааҥҥа сырдык сыдьаайа түһэрин курдук,
уһулуччулаах дьон күннэрэ тыкпыта.
Күннээҕи кыһалҕаҕа кыпчыттаран, биһиги ону
үксүгэр ситэри сыаналаабаппыт, туох эмэ манчыыкка
хаптаран, сылбах буолан суолларын бүөлүү түһэбит.
Ол да иһин “революция пожирает своих детей” диэн
эрдэхтэрэ. Улуу Горькай айымньытыгар норуотун түҥ
ойууртан сирдээн таһаарбыт Данко уоттаах сүрэҕин
дьон, күлүмнэс сырдыкка дьулуһан, үлтү тэпсэн аас-
пытын туһунан суруйбута...
Ол да буоллар тоҕоостоох кэмҥэ тоһоҕо анньар, то-
лук буолар туруу толкуйдаах дьон туһата история кэр-
дииһиттэн хаһан даҕаны сүппэт-оспот.

37