Page 54 - Ульяна Винокурова. Е. П. Жирков Сайдыы суолун солоон...

I түһүмэх. Көнөр көҥүлү көрдөөн

нааччы быһыытынан эппиэтинэһин күүһүрдэри си-
тиспитэ.
Онуоха интэриэстээх өрүт олус элбэх этэ: аан дой-
ду, Россия, ведомстволар бааннара, үп-эргиэн, нолуок
тэрилтэлэрэ, суолу-ииһи, сибээһи хааччыйар үлэһит-
тэр, ис дьыала, учуонайдар, алмаас-көмүс хостооччу-
лар, ювелирнай холбоһуктар, Саха республикатыттан
интэриэстээх тэрилтэлэр чөмчөкөлөрө — барыта сүүс-
тэн тахса араас көрүүлээх, соруктаах дьон.
Кинилэр сүбэлэрин холбоон, Е.П.Жирков сала-
йааччылаах айар бөлөх сыалын ситиспитэ. Депутаттар
каникулга барыахтарын иннинэ тутуу былдьаһан, боп-
пуруоһу бэс ыйын бүтэһик мунньаҕар анньыһан ту-
руорбуттара. Ону баара 1995 сыллааҕы Буденновкаҕа
чеченскэй террор саҕаланан, компартиялар, Жиринов-
скай өрүөллэрэ регионнар диэки сокуону куолас-
тааһыны атахтаабыттара. Ол да буоллар, Егор Петро-
вич “кворум тиийбэтэ” диэн утары баайсан, сокуону
аккаастаан, киэр илгэртэн быыһаан, аныгы мунньахха
киллэрэр быһаарыыны ситиспитэ.
1995 сыл от ыйын 14 күнүгэр Е.П.Жирковы кытта
холбоон алта депутат илии баттааһыннаах “Күндү
сыаналаах таастар уонна металлар туһунан” диэн со-
куон бырайыагын вариана Госдума мунньаҕар көрүл-
лэн, бастакы ааҕыыга ылыллыбыта.
Онон дьэ сокуон бастакы ааҕыыны этэҥҥэ ааһан,
саҥа оҕо төрөөбүтүн тэҥэ үөрбүттэрэ. Егор Петрович
Жирков Госдумаҕа авторитета үрдээн, өссө тах-
сыылаахтык үлэлиир кыаҕа улааппыта.
Сокуон бырайыагын оҥорууга сөбүлэһиннэрэр ко-
миссия үлэлиир кэмигэр депутат Е.П.Жирков уонна
Государственнай Дума туһааннаах комиссияларын
көҕүлээһининэн балаҕан ыйын 26 күнүгэр Москваҕа
алмаас-көмүс хостуур уонна таҥастыыр салаа бэрэстэ-
биитэллэрин сүбэ мунньаҕа буолбута. Мунньахха араас

50