Page 58 - Ульяна Винокурова. Е. П. Жирков Сайдыы суолун солоон...

I түһүмэх. Көнөр көҥүлү көрдөөн

нан эрэ көҥүллэниэхтээх диэн балаһыанньа сокуоҥҥа
киириитин көҕүлэспитэ. Түмүгэр республика феде-
ральнай былааһы кытта дуогабардаах сыһыана эмиэ
сокуоҥҥа көрүллүбүтэ. Онон биһиги алмаастан ылар
өлүүбүт бастаан 20% этэ, дуогабарынан үрдээн, 25%
буолбута, итини сокуон билинэр.
Биир тыын боппуруоспут алмаас компаниятын
продукциятын үллэстии буолар. “Россия—Саха алмаа-
стара” компания боломуочуйалара оччоҕо диэри Пре-
зидент Ыйааҕынан эрэ сылдьыбыттара. Бу боппуруос
биһиги туспутугар эмиэ сокуонунан хайыһарын ситис-
питтэрэ, билигин Россия президенэ ким да буолбутун
иһин, сокуону ылбычча ыйааҕынан көтүрэрэ уустук.
Бу сокуон өссө биир туһалаах өрүтэ көмүс-
чүттэргэ сыһыаннаах. Кинилэр туох да бырааптара
суоҕа. Саҥа сокуонунан көмүһү хостооччулар хос-
тообут көмүстэрин государство кыайан атыыласпат
өттүн бэйэлэрэ атыылыыр бырааптаммыттара.
Аны техническэй алмаас диэн баар, ол аата юве-
лирнай оҥоһукка кыайан барбат таастар. Дуогабар усу-
луобуйатынан ол республикаҕа хаалар эрээри, валют-
най сыаннас быһыытынан хааччахха түбэһэн, туһаҕа
кыайан тахсыбат. Билиҥҥи сокуон балаһыанньатынан
итинник алмаас производственнай-техническэй боро-
дууксуйа испииһэгэр киирбитэ. Онон инструмент
оҥорор саҥа производство үөскээн, инникитин атаҕар
турар кыаҕа улааппыта.
Саха Республикатын Государственнай Мунньаҕын
(Ил Түмэн) уонна РФ Государственнай Думатын поли-
тическай олоҕун биир дьоһуннаах сабыытыйатынан
ыам ыйын 16-18 күннэригэр Москваҕа икки парламент
көрсүһүүтэ буолбута. Саха Республикатын Государст-
веннай Мунньаҕын (Ил Түмэн) депутаттарын кытта
РФ Госдума председателэ И.П.Рыбкин, председатель
бастакы солбуйааччыта Митюков М.А., председатель

54