Page 1 - САХА ОМУК культурнай-сырдатар общество историятыттан. В. Петров, Кыым, 04.10.1990
P. 1
"САХА ОМУК" культурнай-сырдатар общество историятыттан
1922 сыл балаҕан ыйыгар урукку "Саха омук" общество үлэтин хаттаан
саҕалаабыта, онон сибээстээн "Манчаары" общество эмиэ холбоспута. Ити
кэмтэн ыла "Саха омук" культурнай-сырдатар общество Советскай былаас
салалтатынан үлэлиир саха интеллигенциятын общественнай тэрилтэтин
быһыытынан активнай үлэтэ саҕаламмыта.
Бу общество үөскээһинэ уонна үлэтэ бэйэтэ туһугар туспа историялаах. Ол
туһунан өр кэмҥэ араас улахан мөккүөрдэр тахсыбыттара, саха
коммунистарын уонна нэһилиэнньэ партията суох маассатын ортолоругар
араас сыанабыллар бааллара. Бу общество үлэтин сыаналааһыҥҥа
билиҥҥээҥҥэ диэри араас көрүүлэр баалларын бэлиэтиир наадалаах.
Сорохтор кини үчүгэй эрэ өрүттээҕин олус арбаан көрдөрөллөр, атыттар
буоллаҕына, төттөрүтүн, обществоны барытын реакционнай, буржуазнай-
националистическай тэрилтэнэн ааҕаллар.
Дьиҥ дьыалаҕа бу ханнык общество этэй?
Общество чилиэннэрин уопсай мунньахтарынан ылыллыбыт "Саха
омук" культурнай-сырдатар общество Устаабыгар суруллар:
"Общество сыалын уонна соруктарын туһунан":
Сыала:
1. Саха нэһилиэнньэтин үлэһит маассатын культурнай тутууга
ордук толору тардыыга;
2. Национальнай культураны тэрийиигэ Саха АССР
правительственнай органнарыгар көмөлөһүү: сурукка,
музыкаҕа, литератураҕа уонна театрга;
3. Үчүгэй уонна туһалаах көрү-нары тэрийии;
"Саха омук" культурнай-сырдатар общество Саха АССР-га
барытыгар тэриллэн үлэлиир.
Общество бырааптарын уонна эбээһинэстэрин туһунан:
Үөһэ этиллибит сыалы уонна соруктары ситиһэргэ "Саха омук"
общество бырааптаах;
а) съезтэри ыҥырарга, лекциялары, рефераттары ааҕарга, митиннэри,
экскурсиялары тэрийэргэ;
б) кулууптары, библиотекалары тэрийэргэ, театрдар, народнай дьиэлэр,
