Page 3 - САХА ОМУК культурнай-сырдатар общество историятыттан. В. Петров, Кыым, 04.10.1990

общество ситэриилээх органын - бырабылыанньа көҕүлээһининэн

ынырыллар.

Общество үбэ манныктартан турар:

а) үөрэх уонна доруобуйа харыстабылын народнай комиссариатынан
сирэйдээн правительство биэрэр сметалаах үбүттэн;

б) биир бириэмэлээх киирии взностан;

в) аналлаах үбүлээһиннэртэн;

г) чааһынай дьон малынан уонна харчынан сиэртибэлээһиннэриттэн;

д) общество предприятиелара уонна атын да үбү киллэрииттэн.

Обществоны уонна кини органнарын эһии:

"Саха омук" общество үлэтин бэйэтин съеһин уурааҕынан эбэтэр

үрдүкү былаас туһааннаах органнарын дьаһалларынан общество үлэтэ ити
этиллибит органнар үлэлэрин сыалыгар уонна соруктарыгар хоһулаһар
буоллаҕына эрэ тохтотуллар". (ССКП Саха ОК ССКП ПА, ф. 3, оп. 3, д. 1182,

лл. 2-3).

ССКП Саха сиринээҕи обкомун партийнай архива көрдөрөрүнэн "Саха
омук" культурнай-сырдатар общество бырабылыанньатыгар 1927 сыл

ахсынньы 5 күнүнээҕи туругунан маннык дьон бааллара: Гаврильев К.О.
(председатель, партията су ох), чилиэннэрэ: Баланов ("Кыым" хаһыат
редакторын солбуйааччы, партията суох), Габышев П.Г. (БСК(б)П чилиэнэ),

Говоров (ЫБСЛКС обкомун чилиэнэ), Донской С.Н. II (Саха АССР үөрэх
уонна доруобуйа харыстабылыгар народнай комиссариата), Мартынов
(партията суох), Иванов А.А.-Күндэ ("Кыым" хаһыат редактора), Осипов

(Саха АССР Совнаркомун үлэһитэ), Прядезников (ССРС КСК чилиэнэ,
партията суох), Лепчиков (Саха АССР үбүн наркома, БСК(б)П чилиэнэ),
Слепцов (үөрэнээччи, партията суох), кандидаттар: Егоров Ф.М., Заболоцкай

Н., үөрэнээччи, Ы БСЖ С чилиэнэ), Филатова (үөрэнээччи, Ы БСЖ С
чилиэнэ); ревизком: Николаев В.Г., Федоров С.Н., Иванов С.Г. (Саха АССР
Госпланын председателин солбуйааччы).

Общество 1925-1927 сылларга үлэтиттэн аҕыйахтык ылан көрүөҕүҥ.
Мин ССКП обкомун партийнай архивыгар бу общество үлэтин туһунан икки

отчуоту булан билистим. Онно бастакы отчуот 1925 сыл ахсынньы 31
күнүгэр общество бырабылыанньатын председателэ, ССРС КСК-тын чилиэнэ
Леонтьев илии баттааһыннаах түһэриллибит. Отчуокка маннык чахчылар