Page 248 - Кун кууьар хайатыттан

М а й р а ш (Зуураҕа). Кыыһырыма. Дженишбек, хата он-
но туту көрбүккүтүн кэпсээ эрэ.
Дженишбек. Киһиэхэ килиэп да биэрбэт дьоҥҥо...
М а й р а ш. Ыал оҕолоро өрүү дьонун кытта бииргэ
аһыыллар. Эн кинилэртэн туох ордуктааххыный? Чэ эрэ, кэп­
сээ, бириистэҥҥэ туту көрдүгүт?
Дженишбек. Чэ буоллун даҕаны. Бириистэҥҥэ тиий-
биппит, дьон бөҕө-ө!
М а й р а ш. Онтон дьэ?
Дженишбек. Көрбүппүт, доҕоор, улахыын-улахан бо-
рохуот устан тиийэн кэллэ! Бу маннык! (Илиилэрин даллатан
көрдөрөр.) Урут эмиэ оннук борохуот кэлбитэ дии, биһиги
көрбүппүт дии.
М а й р а ш. Өйдүүбүн, онтон туох буолла?
Дженишбек. Онтон, онтон. Онтон ол борохуоту арка-
нынан биэрэккэ баайдылар. Дьон бөҕө сүүрэн тиийдэ. Боро-
хуоттан саллаат бөҕө тахсан кэллэ, таҕыс да таҕыс, таҕыс да
таҕыс... бүппэт элбэх...
М а й р а ш. Дьэ онтон?
Дженишбек. Дьон бары куустуһуу, сыллааһыы бөҕө...
Киһи да өйдөөбөт, ким ытыыр, ким эрэ үөрэр... Онтон ким
ат мииннэ, ким тэлиэгэҕэ олордо уонна дьиэлэригэр көтүт-
түлэр. Өссө тугу көрдүм? Биир кыра унуохтаах эдэркээн дьах-
тар биир саллааты, кимтэн да кыбыстыбакка, уураа да уураа,
олох тохтообот. Уураа да уураа, олох кыбыстыбат. (Күл да күл
буолар.)
М а й р а ш (Дженишбегы хам кууһар). Оттон эһэҥ эһиги
тугу гынныгыт?
Дженишбек. Эһэм биһиги сыыр үрдүгэр турдубут.
Бары бардылар, борохуот төттөрү уста турда. Эһэм эрэ бар-
бат. Мин сиэҕиттэн тардан баран ыйыттым: «Эһээ, мин аҕам
Болот кэлиэ буолбат дуо?» Туох диэбитин эн билэҕин дуо?
«Эн баҕа санааҥ туолуо, мин кыракый кулунчугум!» — диир.
Кини аҕам уонна мин иннибинэ өлүөн баҕарар үһү... Онтон
миигин төбөбүттэн сыллаата. (Тохтуур.) Онтон эһэм ытаата...
М а й р а ш. Ытаата дуо?
Дженишбек. Aha, ытаата. Кини хас сырыы аайы дьон
тарҕастылар да ытыыр. Мин кинини дьиэбэр аҕала сатыыбын
да, кини Ысык-Көл диэки көрөн олоро-ор. (Тохтуу түһэр.)
246