Page 257 - Кун кууьар хайатыттан

А к ы л б е к. Эй, эй, уолаттаар, туох буоллугут?
Уолаттар ойон тураллар.
С а п а й. Эһээ, биһиги Дженишбеги илдьээри кэлбиппит,
ОТТОН кини...
Дженишбек. Тугуй «кини» да, «кини» буоллуҥ? Мин
билигин эһиэхэ киммин көрдөрүөм.
Уолаттарга түһэн эрдэҕинэ Акылбек тутан тохтотор.
А к ы л б е к. Хайдах буоллуҥ, Дженишбек! Тохтоо, кэбис!
Тохтоо, тохтоо... Уолаттаар, эһиги кинини ханна илдьээри
ынырбыккытый?
Б о р б у к. Үлэлэтэ.
Акылбек. Ханнык үлэҕэ?
Б о р б у к. Холкуоспутугар көмөҕө эбэтэр оскуола саады-
гар. Кини ханна да барыан баҕарбат.
Акылбек. Чэ эрэ, уолаттаар өйдөөтүм. Эһиги барыҥ.
Кинилиин мин бэйэм кэпсэтиэм.
Сапай, Борбук бараллар. Дженишбек эккирэтээри гынар.
Тохтоо, Джениш, тохтоо.
Дженишбек. Эһээ, мин кинилэри муҥ сатаатар биир-
диитэ саайталыым ээ, онтон тохтуом.
Акылбек. Тохтоо, тоҕойуом. Дьиэҕэр киирбит дьону
атаҕастыыр сатаммат.
Дженишбек. Кинилэр бэйэлэрэ булбуттара.
А к ы л б е к. Эн кинилэри кытта үлэлии барсыаҥ этэ. Үлэ
киһини күүстээх оҥорор. Сарсын уолаттаргын кытта эйэлэс
уонна барыс. Сөбүлэһэҕин?
Дженишбек. Өссө! Олох барбаппын, барыам да суоҕа.
Акылбек. Дьэ ити олус куһаҕан, тоҕойуом! Доҕоттортон
тэйэр, арахсар сатаммат.
Дженишбек. Тугуй, эн кинилэр диэкигин дуо? Оччоҕо
мин...
Акылбек (сиэнэ тохпут дьаабылакаларын хомуйар). Бу
хантан кэлбит дьаабылакаларый? Мин эйиэхэ атын ыал саад-
тарын кэрийимэ диэн төһөлөөх эттим этэй!
Дженишбек. Ити миэннэрэ буолбатах. Уолаттартан
тохтубута.
255