Page 399 - Кун кууьар хайатыттан

пут, оҕолорбут ырыых-ыраах олороохтууллара. Биһиги онно,
үлэттэн буолбакка, дьоммутун ахтаммыт эрэйи көрөрбүт. Күн
аайы сорудах түһэрэллэрэ. Ол сорудаҕы бэркэ кыанар эрэ
дьон толороллоро.
Биир киэһэ үлэ кэнниттэн итии шавляны — убаҕас ириис
хааһыны сиэбиппит. Биир улахан казаан хочуолу. Аһара туус-
таан кэбиспиттэр этэ — кими эрэ соруйан кэһэтэ сатаабыт
курдук. Оттон хайа үрдүгэр ас аанньа буспат адьынаттаах2.
Мас бөҕөтүн уокка симпиппит үрдүнэн ирииспит кыбыс кы-
таанах этэ. Уута уолбутугар ордубут уубут тобоҕун барытын
кутаммыт салгыы буһардахпыт дии. Ирииспит арыычча сым-
наабыта. Хочуолу уоттан таһаараат, ортоку уурбуппут. Түүн
этэ. Ый быыһа хараҥа турара. Бары эдэркээн уоланнар эти-
бит. Анньыһа-анньыһа казаан туда үмүөрүспүппүт. Эн, бука,
Дьолборс-аба бокуонньугу билэриҥ буолуо, кини соторутаа-
ҕыта өлбүтэ. Сөҕүмэр күүстээх киһи этэ, кыһалҕа тирээ-
тэҕинэ аты да солбуйар кыахтааҕа. Дьэ кини «һа!» диэтэ да
бука бары илиибитин казааҥҥа батары анньарбыт. Ким сыл-
бырҕа, ол ирииһи ытыһынан баһан ылара. Оттон ким хойу-
таабыт, ол аныгыскы хамаанданы күүтэрэ. Хочуол ип-итии,
буспут ириис оннооҕор өссө абытай. Илиигин, айаххын сала-
таҕын да, онно ким да кыһаммат. Хайдах эмэ гынан куртаҕы
иччилээбит эрэ киһи. Айабыын, ол онно ыбылы хааламмыт
туруору туустаах, атын туох да эбиискэтэ суох шавля хааһым
амтана билигин даҕаны айахпар баар. Үссэнээт, тэллэхпи-
тин булбуппут. Аһыырын аһаан баран, утахпытын ханнарарга
туохпут да суоҕа. Иһиҥ умайа сытан хантан утуйуоххунуй.
Куурбут уоспутун салыы-салыы, уһуутаа да уһуутаа: «Уута,
уута!» Уубутун бүтүннүү хочуолга кутан кэбиспиппит! Атты-
бытыгар ким да суох. Балтараа көстөөх сиргэ Коччан Таас
үрэх баара. Чуумпуран иһиттэххэ, ол үрэх буомнарга охсуллан
харылыыр-барылыыр тыаһа иһиллэрэ. Оттон күһүн бөрөлөр
саамай торҕоҥнуур кэмнэрэ. Хайыахпытый? Дьэ онно биһиэ-
хэ чугаһаан кэлбитэ, ким буолуой, эн аҕаҥ. Эдэр киһи этэ.
Дьолборс буоллаҕына мин таспар сытара. Киниэхэ кэллэҕэ
дии. Уонна туох диэбитэ буолуой? «Дьолборс, ити дьонҥо ба-
рыларыгар эт, миигин алҕаатыннар. Мин бараммын уу баһан

2 Хайа үрдүгэр салгына убаҕас, онон кислород тиийбэтиттэн уот итиини биэрбэт.
397