Page 70 - Кун кууьар хайатыттан

Күлүүк тыллар күөрэйэллэр,
Уоттаах кыымнар күөдьүйэллэр,
Күөх хайаҕа диэри тарҕаан
Дыргыл сыттар тэнийэллэр.

Күммүт уота күөскэ хойдор,
Омурҕаҥҥа ыҥырар:
Эр бэртэрин — ыраас дуолга,
Кыыс аймаҕы — бугулларга.

Күммүт саҕах үөһэ намтыыр,
Түүҥҥү көйүүр ыллаан барар.
Эр бэртэрэ оттоон бүтэн
Түлэй хааман иһэллэр.

Үрүйэчээн курдук күлсэ,
Сибэккинэн дыргыйа
Кэбиһиилээх отторуттан
Кыргыттарбыт түһэллэр.

Нарын намчы илии хайдах
Атырдьаҕы кыайарый,
Бу куйааска хатырбатах
Уостар тугу кистииллэрий?

ТЫАЛ

Борук-сорук куоракка.
Умайаат умуллар сулуһум халлааҥҥа.
Турабын болкуоҥҥа.
Хараҕым дьүккэтин тэһэ
Дьулайа көрдүүбүн кими эрэ
Үлэтгэн төннөр дьон субуутун кэритэ.
Хаһан эрэ буор иһээччи буолбут
аҕабын саныыбын, быһыыта.

Хампарыйар таас тыаһа...
түннүгүнэн үрэр тыал,
Уйан түөспүн хайыта
быһа сынньар сытыы тыал,
68