Page 95 - Кун кууьар хайатыттан

Ыйдаҥалаах түүн сөрүүнэ
Аны биһигини бигээбэт,
Ылааҥы күн сылааһа
Аны биһигини кэтээбэт.
Бүтүн Аан дойду биһиэхэ
Киргэ-хоххо кубулуйда,
Санааларбытын сыыс курдук
Тыал сиппиирдээн ыһан ааста.
Эриэккэс кэрэ да сибэкки
Биһиэхэ өлбөөркөй өҥнөннө.
Оттон кэм-кэрдии,
Үргүбүт аргамак1 аттыы,
Ыҥыыра туора эһиллэн,
Хара күүһүнэн сүүрэр ыксыы.
Аны уун-утары көрсөн туран
Күлсүбэппит, мөҕүттүбэппит.
Сэргэстэһэ да сырыттарбыт,
Кыынньан бүппүт кумган1 2 курдук,
Иччитэхпит.
Биһи икки ардыбытыгар аны —
Харахха көстүбэт иһийбит иин.
Санньы-курус санааларга
Бобута туттара сылдьаммыт
Буруйдаһар, сэмэлэһэр
Тыллары букатын умнуох.
Ол тыллар быһах буолан,
Иин тоҥ буорун тобулуохтара.
* * *
Оо, ый кэрэ кыыс,
Эйиэхэ тапталбын ханнык тылынан тиэрдиэмий?
Эн уһун суһуоҕун
Өлүүттэн быыһыыр күүстээх.
Эн мөссүөҥҥүн аттыбар көрдөрбүн
Долгуйан илибирии түһэбин.

1 Аргамак — илиҥҥи ат боруодата.
2 Кумган — кыараҕас айахтаах, уһун тумустаах уу кутар купсуун.
93