Page 96 - Кун кууьар хайатыттан

Кыламаҥҥын да даҕайарбын кутганан,
Эн диэки чыпчылыйбакка көрөбүн.

Сүөм түспүт сүргэм,
Хара харах кэрэчээнэм,
Эйигин көрдөрбүн көтөҕүллэр.
Эн өрүү үөрэ-көтө сылдьаргар,
Дьоллоохтук олороргор баҕарабын.
Эйигин көрөн, оо, кэрэ далбар,
Былыт кутаанан умайар.
Эйиэхэ талаһар санааларым
Утуйар таҥаскын имитэллэр.
Сибэкки кэриэтэ кэрэ кыыс,
Эйиэхэ тапталбын эн билиэҥ.
Күөрэгэй ырыатыттан ытарҕа тиһэн,
Эн нарын кулгаахтаргар иилиэм.
Оо, ый кэрэ кыыс,
Эйиэхэ тапталбын ханнык тылынан тиэрдиэмий?
Эн уһун суһуоҕун
Өлүүттэн быыһыыр күүстээх.
* * *
Мин эрийэрбин билэҥнмн,
Туруупканы холустук быраҕаҕын.
Тапталбын сэрэйэр эрээригин,
Үрдүбэр халлааны охтороҕун.
Акаарыбар
Эйиэхэ ыксалынан эрийбит эбиппин.
Кырдьыгынан,
Кыыһырбыт да саҥаҕын
Истэрим миэхэ дьол.
Кырбаммыт ыттыы,
Телефон туруупката илиибэр ыйылыыр.
Таптал телефона илиибэр ыйылыыр.

94