Page 99 - Кун кууьар хайатыттан

Сөрүүкээн хойдубут сүөгэйи амсатыа
Эбэтэр кугдаххай хонуунан хаамтарыа.
Туус маҥан былаатгаах дьахтары санатар
Туналхай ый быыһа хахсааттаах кыһыҥҥа,
Бу түүҥҥү халлааҥҥа тунаарар сулуска
Бүтэһик мичээрбин махтана утаарыам.

БАҔА САНАА
Ахсым аппын ыҥыырдыам,
Мин ыраата айанныам,
Өтөр үөскүөх түһүлгэҕэ
Тиийэн бэлиэ хаалларыам.

Кимтэн эрэ куотардыы
Тиэтэлинэн тиийиэҕим,
Күүстээх курдук сананыаҕым,
Көмөлөһө сатыаҕым.

Көрбөккө сирдьит буолуом,
Мөлтөҕү көмүскэһиэм,
Эрчимнээхтик күүскэ күлүөм,
Дириҥник көҥүл тыыныам.

Таҥнарбыты тэйитиэм,
Кырдьыксыты айхаллыам,
Ааспыт-туорбут айанньыкка
Тиһэх аспын хаалларыам.

Ахсым аппын ыҥыырдыам,
Мин ыраата айанныам,
Баҕа санаам түһүлгэтин
Булан бэлиэ хаалларыам.

97
7-18