Page 10 - Семен Васильевич Хон

лэрэ. Ити уон сыл устатыгар культура эйгэтигэр элбэх
уларыйыы-тэлэрийии буолбута. Кулуупка уус-уран сала-
йааччылар диэн баар буолбуттара. Эдэр директор, культу-
раҕа үөрэх наадатын өйдөөн, Хабаровскайдааҕы культура
институтугар үөрэнэ киирбитэ.
1980-с сыллар саҥаларыгар олох укулаата уларыйа-
ра, кыралаан да буоллар, биллэн барбыта. Культура эй­
гэтигэр да уларыйыылар саҕаланан барбыттара. Ол кур-
дук, кииннээһин үлэтэ тэтимнээхтик баран эрэр кэмэ этэ.
Билигин «улугуруу кэминэн» ааттанар кэмнэр этилэр да,
олох бэйэтин тэтиминэн аа-дьуо баран иһэрэ.
Семен Васильевич куоракка көһөн киирэр кытаанах
санааны ылыммытын олоххо киллэрэн, атырдьах ыйын 29
күнүгэр 1980 сыллаахха культура министерствотын иһи-
нэн үлэлиир «Единый научно-методический Центр народ­
ного творчества и культурно-просветительной работы»
(салгыы - ЕНМЦ) диэн тэрилтэҕэ тэрийэр-методическай
үлэ отделын салайааччытынан үлэтин саҕалаабыта. Бу
тэрилтэҕэ культура эйгэтин чулуу дьонноро үлэлииллэрэ:
Т.Е. Слепцова, А.Д. Макарова, Л.И. Мекюрдянов, К.И. Андре­
ева, В.Н. Сабуров, В.Р. Ядреев, С.С. Лебедкин, Е.Г. Соловьева,
Д.П. Федоров уо.д.а. Бу дьон кулууп үлэтин ымпыгын-чым-
пыгын биэс тарбахтарын курдук билэр дьон этэ.
Семен Васильевич отдела республика кулууптарын
кытта ыкса сибээстээхтик үлэлиирэ. Ол курдук 7-НК диэн
статистическай отчуоту сыл аайы тутара, анализтыыра,
командировкалары тэрийэрэ, зональнай, республикан-
скай семинардары ыытара. Оройуоннар культураларын
үлэлэрэ методическай өттүнэн хааччыллыылара оччо-
лорго быстар мөлтөх этэ. Оройуоннааҕы методкииннэр
нэһилиэктэр кулууптарыгар улахан көмөнү оҥорботтор
этэ. Семен Васильевич ону практик быһыытынан этинэн-
хаанынан билэрэ. Уонна ону хайдах уларытарга туруула-
һар үлэтин саҕалаабыта.

6