Page 7 - Семен Васильевич Хон

Төрөөбүт сиртэн си лис тардан

Семен Васильевич Хон алтынньы
14 күнүгэр 1945 сыллаахха Уус-Алдан
улууһун Найахы нэһилиэгин Балыктаах
сэлиэнньэтигэр төрөөбүтэ. Аҕата Хотугу
Кореяттан 30-с сыллар саҕаланыылары-
гар эмиграцияҕа кэлбит Баһылай Хон
диэн этэ. Оччолорго бүтүн Саха сирин
үрдүнэн кэриэйдэр кэлэн олохсуйбут-
тара. Баһылай Хон саха кыыһын кэргэн
ылан 4 уол оҕону күн сирин көрдөрбүттэрэ. Сэмэн саамай
кыралара этэ. Ийэлэрэ ыарыһах буолан, кырата үс ыйын
да туола илигинэ, күн сириттэн бараахтаабыта. Аҕалара,
хайдах да 4 оҕону кыайан ииппэтин өйдөөн, оҕолорун
аймахтарыгар ииттэрэ биэрбитэ. Бэйэтин кытта улахан
уолун Киэсэни хаалларбыта. Бу, оччотооҕу кэмҥэ, саамай
сөптөөх быһаарыныы этэ. Кэриэй Баһылайы олохтоохтор
билиҥҥэ дылы саныыллар. Сэрии сылларын ыар кэм-
нэригэр кини хаппыыстата, хортуоската, турнепса элбэх
киһини өлөр өлүүттэн быыһаабытын махталлаахтык ах-
тан-санаан ааһаллар. Сэмэни Акулина уонна Иннокентий
Сивцевтар дьиэ кэргэннэрэ ииттэ ылбыттара.
Оскуолаҕа Семен Васильевич, уһулуччу үчүгэй да буол-
батар, ортотук үөрэммитэ. Улахан махталынан учууталла-
рын Матрена Георгиевна Сивцеваны, Константин Егорович
Васильевы уонна Вера Ивановна Васильеваны ахтан ааһар.
Оччотооҕу учууталлар барахсаттар хас биирдии оҕоҕо
ийэлии-аҕалыы истиҥ сыһыаннаахтара. Кинилэр кыһал-
ҕаларын, үөрэхтэрин, майгыларын-сигилилэрин, өйдө-
рүн-санааларын, сырдык ыра санааларын барытын тэҥҥэ
үллэстэллэрэ. Оскуолаҕа үөрэнэ сылдьан кинигэ ааҕарын
наһаа сөбүлүүрэ, художественнай самодеятельноска көх-
з