Page 9 - Семен Васильевич Хон

испииһэктэрин көрөн сороҕун сотон, сороҕун бэйэтэ эбэн
биэрбитэ уонна кылаабынай бухгалтеры ыҥыран ылан
барытын төлүүллэригэр сорудахтаабыта. Өссө чиҥэтэн ку-
луупка саҥа котельнай тутуллан, ититэр систиэмэ оҥоһул-
луохтааҕын, бу үлэ барыта Өктөөп бырааһынньыгар бүтүөх-
тээҕин, комсомоллар, эдэр ыччаттар кулууп эргэ оһохторун
көтүрүүгэ, кырааска, сууйуу-сотуу, ититии тардылларыгар
күүс-көмө буолуохтаахтарын сорудахтаабыта.
Дьэ, ити курдук, нэһилиэк, колхоз салалтатын кытта
ыкса сибээстээх үлэ саҕаламмыта. Культура отделын ин­
спектора Светлана Ивановна Максимова көмөтүнэн ку-
луупка муоста, түннүк кырааскалара, гуашь, микрофон,
усилитель, прожектордар, софиттар уонна да араас элбэҕи
оройуон культуратын ирээтиттэн культура министерство-
тыттан кэлбитэ. Ону тэҥэ Светлана Ивановна оччотооҕу
Саха театрын директорыгар, биир дойдулааҕыгар Васи­
лий Иванович Босиковка бара сырыт диэн сүбэлээбитэ.
Бастакы командировкатыгар куоракка айаннаабытын
санаатаҕына билигин күлэ саныыр. Босиковка, оччолорго
улахан, өрөспүүбүлүкэ таһымнаах тойоҥҥо, мунан-тэнэн,
кыбыста-кыбыста киирэн, туох наадалааҕын син быһаар-
сыбыта уонна театральнай көстүүмнэрдээх, атрибуттар-
даах, эбиитин миэбэл кытта тутуурдаах тахсыбыта.
1968-70-с сылларга гастроллаан элбэх үбү киллэрэн,
кулууптарын өссө байыппыттара. Гастроллаабыт харчыла-
рынан духовой оркестр, вокальнай инструментальнай ор­
кестр, миэбэл, сыана, көстүүм таҥаһа ылынан сыыйа-баайа
кулууптара оройуоҥҥа биир бастыҥнар ахсааннарыгар
тахсыбыта. Оройуоҥҥа туох ыытыллар культурнай тэрээ-
һин Кэптэни духовой оркестра суох буолбат буолбута.
Семен Васильевич ити саҕалаабытын курдук таһаа-
рыылаахтык 10 сыл устата үлэлээбитэ. Методическай
коме оччолорго быстар мөлтөх этэ. Республика культура­
тын бары үлэһиттэрэ сүрэхтэрин баҕатынан эрэ үлэлиил-

5