Page 111 - Семен Васильевич Хон

рытыыны саҥа үйэ тэтимигэр киллэрии кэмнэрэ күүскэ
баран эрэр сыллара этилэр.
Манна биһиги үлэбитигэр улахан сүбэни-үөрэҕи, араас
методическай көмөлөрү суруйан тарҕаппыт, олус туһалаах
араас хайысхалаах семинардары ыыппыт киһибитинэн
үтүө сүбэһиппит, ытыктабыллаах Семен Васильевич Хон
буолар. Инники олоҕу өтө көрөн кэпсиирэ, сүбэтэ, сэрэтэрэ
барыта билигин туолла. Маннык муударай, өркөн өйдөөх
Семен Васильевич Хоннуун алтыһан ааспыппар дьылҕабар
махтанабын.
Арай биир саас Сунтаар инновационнай кулуупта-
рын директордара ИМЦ-тан норуот айымньытын исписэ-
лииһэ Надежда Андреевна салайааччылаах Уус-Алданҥа
семинарга бардыбыт. Семен Васильевич семинарга кэлбит
улуус дьаһалтатын үлэһиттэригэр нэһилиэк улуус таһы-
мыгар бэйэни салайыныы уорганнарыгар култуура сай-
дыытыгар туох-ханнык боломуочуйалар кинилэргэ сорук
быһыытынан турбуттарын, ханнык сокуоннарга олоҕуран
ирдэбиллэр туралларын кэпсээтэ.
Биһиги инники эрээккэ бэрээдэктээх баҕайытык ис-
тэн олоробут, Семен Васильевич кыра соҕустук саҥарар,
кэпсээн быһааран бүтэн баран ыйытыктарга хоруй бөҕөнү
биэрдэ. Онтон барыбытыгар «Правовой тест для руково­
дителей МСУ, КДУ по развитию культуры на районно-по­
селенческом уровне» диэн анкета түҥэтэ туран: «Мин
кэпсээбиппин өйдөөн истибит буоллаххытына үчүгэй эп-
пиэти биэриэххит», - диэтэ. Бары толордубут, үксэ 131-с
сокуонунан кулууп иһинэн ыытыллар үлэ хайысхалары-
нан, тустаах дуоһунаспытынан ирдэбиллэргэ, сокуону
төһө билэрбитин тургутар боппуруостар бэриллибиттэр.
Тута бааллары суоттаан таһаараллар эбит, Сунтаардар үр-
дүк баалы ылан үөрүү бөҕөтө буолан тарҕаспыппыт. Итин-
ник араас хайысхаларынан тиэстэри сотору-сотору ыытал-
лара, ол иһин, дьэ, наһаа «быыл» барбат туһугар, эрдэттэн

79