Page 114 - Семен Васильевич Хон

үлэ хайысхатын көрдөөһүн, кулуупка үп киллэрээһин,
фондаҕа үлэ күүскэ саҕаламмыта. Уонна кулууп иһин-та-
һын оҥоруу, киэргэтии, саҥа ирдэбиллэргэ эппиэттиир
курдук оҥостуу, көлүөнэлэринэн анал дьарыктанар хосто-
ру, нэһилиэнньэ сынньанарыгар сөптөөх усулуобуйаны
тэрийии ирдэбиллэрэ күүскэ турбуттара. Дьэ, ити курдук
үлэҕэ саҥа сүүрээн киирэн испитэ. Кулууп иннигэр оҕо-
лорго аналлаах араас тэриллээх былаһааккалар баар буол-
буттара, кулууп таһыгар аныгылыы араас уоттар сандаара
тыкпыттара. Ити барыта аныгы тыа кулууптара саҥалыы
үлэлииллэригэр сорук туруоруллан, кулууп территория-
тыгар эстетика, дизайн ирдэбилинэн тас көстүүтүгэр саҥа
хардыылар оҥоһуллубуттара, тупсарыылар барбыттара.
Элбэх семинардар ыытыллаллара, үлэбит араас ха­
йысхатын презентация оҥорон көрдөрөрбүт, үлэни бы-
райыактаан көмүскүүр, анал программанан торумнуур
буолбуппут. Бу барыта үөһэттэн ирдэбил этэ, кулууп сис-
тиэмэтигэр тосту уларыйыы итинник балысханнык саҕа-
ламмыта.
Семинардары көһөрө сылдьан ыыталлар этэ: «семи-
нарга С.В. Хон кэлэр», «Хон ыыппыт», «Хон этиилэрэ», «Хон
инники көрүүлэрэ» диэн саҥалары элбэхтик истибиппит.
Мин бастаан Хон диэн араспаанньаны истэн баран, «олох
омук киһитэ эбитэ дуу», - диэн саныырым. Дьэ, «семинар
буолар» диэн буолта, «куораттар кэлэллэр», «бары секция-
нан үлэлиэхпит» иҥин диэн кэпсэтии, сурах...
Эрдэттэн былаан оҥоһуллубута, тэринии бөҕө саҕа-
ламмыта, өссө бары формаланарбытын ирдээбиттэрэ,
бейдж оҥотторон кэппиппит иҥин. Семинарга тэринии
бэйэтэ туспа сүпсүлгэн, сүүрүү-көтүү буолара, култуура
дьиэлэрин имиджевай бэлиитикэлэригэр улуустааҕы ИМЦ
өттүттэн улахан ирдэбил турара.
Дьэ, мин Семен Васильевич Хону көрүөм диэн, өссө
кини иннигэр презентация кэпсиир буолан долгуйан, ол

82