Page 116 - Семен Васильевич Хон

лаах үлэбит түмүгүн курдук көрбүппүт уонна инникитин
кэскиллээх соруктары толорорго эппиэтинэс ылыныы
быһыытынан өйдөөбүппүт. Оччолорго Конобулова Сар-
гылана Васильевна кулуупка методистыыра, туох баар
докумуону, бырайыактарбытын кыайа-хото толороро,
кэлин улууска ИМЦ-га үлэлии киирбитэ. Хас биирдии ис-
писэлиис бырайыактаах үлэтэ ирдэнэринэн, кулууппут
иһинэн анал бырайыактар үлэлээн нэһилиэнньэ сынньа-
лаҥын тэрийэргэ, дьоҕурун көҕүлүүргэ, кулууп эстетика-
тыгар, техническай сайдыытыгар кэскиллээх үлэлэр са-
ҕаламмыттара. Ол курдук, «Социальное сотрудничество
учреждений села в организации повседневного досуга жи­
телей поселения» диэн Саргылана Конобулова бырайыага
улууска кулууптар үлэлэригэр сонун хардыыны киллэр-
битэ. «Эстетика и дизайн клубных помещений и террито­
рии», «Социальное партнерство в условиях библиотеки»
диэн, о.д.а. олус кэскиллээх бырайыактар үлэлээн кулууп
ыытар үлэтэ сааһыланан барбыта. Дьэ, ити курдук, үлэбит
араас хайысхата анал бырагырааммаланан туох баар доку-
муоннарбыт барыта бириэмэтигэр сааһыланан, презента-
циялар оҥоһуллан иһэллэрэ, сонунтан сонун тэрээһиннэр,
куруһуоктар тэриллибиттэрэ. Дьон кулууп үлэтин өйдүүр
буолбута, тэрээһиннэргэ кэлиилэрэ быдан элбээбитэ.
«Сохранение нематериальной культуры» диэн мин
пуондаҕа үлэм бу бырайыактан саҕыллан кэҥээн киирэн
барбыта. Кыра сценарийдартан, былыргы иһиттэртэн са-
ҕалаан туох баары барытын мунньан испиппит, эргэ хаар-
тыскалары альбомнаан, ыытыллыбыт тэрээһиннэрбит
хаартыскаларын барытын мунньан, барыта сааһыланан
испитэ. Билигин да онтубутун салҕыы мунньан, кэҥэтэн,
улаатыннаран иһэрбититтэн дириҥ ис хоһоонноох пуонда
буолла. Кэлиҥҥи сылга улаатыннаран туспа «Ситим» диэн
ааттаан музей-хос тэрийбиппит, бу барыта пуондаҕа бол-
ҕомто уурбут үлэбит түмүгэ буолар.

84