Page 84 - Семен Васильевич Хон

ыам ыйыгар аны улуус культуратын информационнай-ме-
тодическай киинигэр методиһынан ылбыттара.
Дьэ онтон ыла саҕаламмыта, мин Семен Васильевич
Хоннуун алтыһан үлэлээһиним. Биллэрин курдук, 2000
сыллартан, дойду балаһыанньата көнөн, олох сыыйа туп-
сан барбыта. Ол иннинэ, 1990-с сылларга, үбүлээһин мөл-
төөн, куруук үп-харчы тобоҕунан олорор культура эйгэтэ
улахан охсууну ылбыта. Ырыынак сыһыаннаһыыларыгар
эмискэ киирии, бюджет харчыта мэлийиитэ, кыра кээмэй-
дээх хамнас кэлбэккэ каадырдар үлэттэн барыылара куль­
тура тэрилтэлэрин улаханнык айгыраппыта. Саҥа уустук
социальнай-общественнай сыһыаннар, рыночнай эконо­
мика культура тэрилтэлэрин, чуолаан тыа кулууптарын,
үлэлэригэр уларытыылары киллэрэри эрэйбитэ. Нэһи-
лиэнньэ сынньалаҥар сөптөөх усулуобуйалары тэрийии,
объектар ис-тас көстүүлэрин тупсарыы, сылаас буолуула-
рын ситиһии, сайдыылаах үйэ ирдэбилинэн саҥа техноло-
гиялары туттуу, төлөбүрдээх өҥөлөрү оҥорууну кэҥэтэн,
бюджеты таһынан киирэр үбү үрдэтии курдук уустук со-
руктар турбуттара.
Нэһилиэнньэ бары араҥатыгар: оҕоҕо, ыччакка, орто
саастаахтарга, кырдьаҕастарга, араас дьарыктаахтарга
- аналлаах аадырыстаммыт тэрээһиннэр, куруһуоктар,
түмсүүлэр, кулууптар ахсааннара элбиэхтээҕэ. Бу үлэ ба-
рыытын Республикатааҕы научнай-методическай киин,
чуолаан Семен Васильевич Хон, салайбыта. Кини биһиэхэ,
методистарга, олохтоох салалтаны, депутаттары кытары
ыкса сибээстээхтик үлэлиир наадатын өйдөппүтэ. Улууска
кулууп эйгэтин туругун чуолкайдыырга, итэҕэстэри-бы-
һаҕастары булууга анаммыт анкетирование ыыттарбы-
та. Маннык үлэ дьаһалта баһылыктарыгар, депутаттарга,
олохтоохтор бары араҥаларыгар туһуланан, хаста да ыы-
тыллыбыта. Бу мониторинг итэҕэстэри туоратыыга, үлэҕэ
чопчу сыалы-соругу туруорунууга көмөлөспүтэ.

52