Page 89 - Семен Васильевич Хон
P. 89
путаттар сэбиэттэрин председателлэригэр культура улэ-
тин боппуруостара «Олохтоох бэйэни салайыныы оскуо-
латын» нөҥүө үөрэтиллэллэрэ. Үлэ уопутун тарҕатыыга
2010 сыл кулун тутар ыйыгар биһиги үлэбит уопутугар
улуустар олохтоох бэйэни салайыныы уорганнара кыт-
тыылаах республикатааҕы сүбэ семинар тэриллибитэ.
Салайааччыларбыт информационнай-методическай киин
специалистарын, бастыҥ кулууптар директордарын рес-
публикаҕа, атын улуустарга буолар семинардарга холобур
оҥостон куруук кытыннараллара.
Семен Васильевич биһигиттэн, методистартан, күүскэ
ирдиир өссө биир хайысхатынан норуот үгэс буолбут
айымньытын, дьарыгын сайыннарар үлэни кулууптарга
сүктэрэн, онно кииннээн сөргүтүү, тарҕатыы хайысхата
буолара. Ыһыах ыһыллар сирин ирдэбилгэ сөп түбэһэр-
дии оҥостууну этэн-тыынан, ыйан-кэрдэн үлэ барбыта.
Кулууп дьиэлэрин ис-тас көстүүтүн тупсарары таһынан,
кулууп тэлгэһэтин, күрүөтүн, киирии аанын, сырдатыы-
ны киһи санаата астынар гына оҥорор сорук туруоран,
үлэлэппитэ.
Саха норуотугар олохсуйбут дьарыктары тарҕатар,
тилиннэрэр үлэ улууска күүскэ барар. Семен Васильевич
биир дойдулааҕа, Саха Республикатын культуратын үтүө-
лээх үлэһитэ М.З. Сивцева хомуйан, үөрэтэн-чинчийэн,
улууспутугар 100 ийэ олоҥхоһут олорон ааспытын билэр
кыахтанныбыт. Билигин культура управлениетын фонда-
тыгар араас рукописнай, аудио уонна видео матырыйаал-
лар хараллан сыталлар. Бу матырыйаалларга олоҕуран
олоҥхоҕо, фольклорга аналлаах кинигэлэр, брошюралар,
халандаардар, открыткалар бэчээттэнэн тахсыбыттара.
Олоҥхону толорууга улуустааҕы күрэхтэр ситимнээхтик
ыытыллаллар, республикаҕа буолар көрүүлэргэ, Олоҥхо
ыһыахтарыгар ситиһиилээхтик кыттабыт. Итинник ха-
бааннаах үлэ хомус, оһуохай сайдыытыгар эмиэ барар.
57
