Page 88 - Семен Васильевич Хон

катааҕы научнай-методическай киин специалистара тус
ыйытыктары оҥорбуттара. Олохтоохтор интэриэстэрин,
баҕаларын билэргэ, кулууптар үлэлэрин бэрибиэркэлээн,
нэһилиэк олохтоохторун араас араҥатыгар уонна норуот
маастардарыгар, норуот үгэһинэн дьарыктанааччыларга
улуус үрдүнэн социологическай чинчийиилэр ыытыллы-
быттара. Бу үлэни информационнай-методическай киин
специалистара Павлова Э.М., Москвитин Е.Е., Бережнева
М.В. кэккэ сылларга оҥорбуттара. Бу чинчийии түмүктэрэ,
онтон да атын тирээн турар боппуруостар улуус Коллегия-
тыгар ырытыллаллара, онон олохтоох бэйэни салайыныы
уорганнара сөптөөх түмүктэри ылынан, үлэ салҕанара.
Коллегияҕа нэһилиэк баһылыктара кыттыыны ылар буо-
лан, кулууптарын үлэтигэр туох ирдэнэрин, ханнык кы-
һалҕа баарын чопчу билэн бараллара.
Бу кэмнэргэ республика бары кэриэтэ улуустарыт-
тан, хоту улуустарга тиийэ, биир идэлээхтэрбит делега-
циялара үлэни билсэ, көрө-истэ, Уус-Алдаҥҥа элбэхтэ
кэлэ сылдьыбыттара. Оннук биир улахан тэрээһин 2005
сыл олунньу ыйга культура министерствотын көҕүлээһи-
нинэн хоту улуустар үлэһиттэрэ кыттыылаах буолбута:
Булуҥ, Эбээн-Бытантай, Өлөөн, Аллайыаха, Муома, Томпо,
Орто Халыма, Аллараа Халыма, Анаабыр, Эдьигээн, Үөһээ
Дьааҥы улуустарыттан 25 киһилээх делегация, ону таһы-
нан Дьокуускай куораттан салайааччыларбыт кэлэннэр,
Суотту, Майаҕас, Уһун-Күөл кулууптарын үлэтин билсэн,
Бороҕоҥҥо мунньахтаан барбыттара.
Кулууп үлэһиттэригэр, улуус киинигэр Бороҕоҥҥо ту­
ман, ону таһынан миэстэлэринэн сылдьан, кустовой диэн
ааттанар семинардар, маастар-кылаастар ыытыллаллара.
Үөрэтии кыахтаах, орто уонна мөлтөх көрдөрүүлээх ку-
лууптарга тус-туһунан эмиэ ыытыллара. Сыллата кулууп­
тар үлэлэрэ тупсан, мөлтөх көрдөрүүлээх кулууптарбыт
ахсааннара аччаан испитэ. Нэһилиэк баһылыктарыгар, де-

56