Page 220 - Дойдум Уус-Алдан Хорого

= = = = = „ Дойдум - Уус-Алдан Хорото = = = = = = = = = .... — - г -

кыстыкка бэлэмниирбит. Сити курдук Мария Егоровналыын ... сыл устата бииргэ үлэлээбиппит.
Кини кэнниттэн биэлсэрдэрбит уларыйа турбуттара. Ол курдук, Өлүөхүмэтгэн Малышева Евдокия
Васильевна 2 сыл курдук, Лазарева Татьяна аҕыйах кэмнэ (ийэтэ ыалдьан барбыта), Мухина
Анастасия Петровна 1,5-2 сыл, солбугунан Гуляева Варвара Васильевна, Жиркова диэн үлэлии
сылдьыбыттара. Онтон 1993 сылга Бороҕонтон биэлсэрэ суох, сиэстэрэнэн Сивцева Анна
Романовна 6 сыл курдук үлэлээбитэ. Кини үлэлиир кэмигэр медпуммутун музей дьиэтэ онорор
буоланнар, Ноговицын Николай дьиэтигэр «Табаарыстыба» хонтуора анарыгар көспүппүт. Бу
дьиэҕэ 2 сыл үлэлээбиппит. Онтон бидигин медпун буолан турар дьиэҕэ көһөн кэлбиппит. Бу
дьиэҕэ мин 1998 сыллаахха диэри үлэлээбитим. Уопсайа эмп тэрилтэтигэр 17 сыл үлэлээбитим.

Ульяна Гаврильевна КОННИКОБА.
Алтыннъы 31 күнэ, 2000 сыл.

Ахтыы
Мин, Гуляева Варвара Васильевна, 1971 сыллаахха Якутскайдааҕы медучилищены, фельдшер-
акушер идэтин бүтэрэн, Уус-Алдан оройуонун Хоро нэһилиэгин Чараннааҕы медпуунугар
сэбиэдиссэйинэн ананан кэлэн, муус устар ыйтан үлэбин саҕалаабытым. Медпуунум 2 койкалаах,
1 санитаркалаах, фельдшердээх кыра дьоҕус тэрилтэ, эргэ ыал дьиэтэ этэ. Мала-сала да оннук -
аҕыйах, хонтуора эргэ остуола, ыскамыайката, тумбата этилэр. Нэһилиэнньэ 700-ҕэ тиийэр этэ.
Онно соҕотох фельдшер, процедурнай, патронажнай сиэстэрэтэ да суох, барытыгар соҕотоҕун
сүүрэрим. Өссө эбиитин Майаҕас бөһүөлэгэр фельдшер суох буоллаҕына, түүннэри-күннэри
вызовка сүүрэрим, сайынын отпускаҕа бардаҕына, солбуйсан үлэлиир этибит. Аны үксүгэр
транспорт суох буолара, оччоҕо сатыы да баран кэлэрим. Оччолорго хайаан да толоруохтаах,
сылдьыахтаах этибит. Кыра эһээхэй оҕолорго 1-гэр диэри нэдиэлэҕэ аччыгыйа 3-тэ, 4-тэ хайаан
да баран көрөрбүт, ону барытын дьыалатын историятыгар суруйан иһэрбит, уколун, прививкэтин
бэйэбит кэрийэ сылдьан оҥорорбут.
Нэһилиэккэ оччолорго хас биирдии ыалларынан кэрийэн ыраастарын көрөрбүт, ыйга биирдэ
хайаан да тэрилтэлэринэн, зонанан бэсиэдэ оҥорорбут. Аны ыытыллар субботниктарга хайаан да
көтүппэккэ кэриэтэ сылдьарбыт. Күһүн, саас ыарыы турдаҕына 10-ҥа тиийэ ыарыһаҕы сытыа-
рарбыт. Онно күнтгэ 4-тэ укуол ылаллара, ону биэрэрбит. Аны санаатахха, хайдах барытын успей-
даан, толорон сылдьыбыппыт эбитэ буолла.
Санитарканан 60-наах Орлова Евдокия Ивановна тигинэччи үлэлээбитэ. Кырдьаҕас, элбэх
оҕолоох, сүөһү бөҕөлөөх киһи сүрдээх кыайыылаах-хотуулаах, түргэн ыраас туттуулаах, наһаа
диэн сүрэхтээх, кыайыгас үлэһит киһи этэ. Эрдэ кэлэн оһох оттон, маһын кыстаан, хаарын күрдьэн,
сытар ыарыһахтарын астарын астаан, таҥастарын сууйан үлэ бөҕөнү үлэлиирэ. Биирдэ да кыы-
һырбытын, этиспитин билбэтэҕим, ол курдук куруук сүбэлии-амалыы, үөрэ-көтө, оҕотун курдук
кыһалла сылдьара, саамай туллар тутааҕым, көмөлөһөөччүм этэ.
Сыллааҕы отчуоппутун Бороҕоҥҥо күн аайы тахсан киэһээ 7-ҕэ, 8-ка диэри туттарарбыт уонна
хайаан да дьиэбитигэр сылайан, тоҥон аҕай кэлэрбитигэр аччыгыйа 2-3 вызов хайаан да баар
буолара. Үлэлээбит үлэбит төһө да көстөн турбатаҕын иһин, аны санаатахха наһаа да соҕотох
киһи санныгар ыарахан, кытаанах, эппиэтинэстээх эбит дии саныыбын.
Беһүөлэккэ биэлсэрдии сылдьан, доруобуйам кыайбатынан, арыый чаастаах үлэҕэ детсадка
1980 сылтан 1997 сылга диэри старшай сиэстэрэнэн үлэлээбитим. Манна илиим иһигэр 70-ча оҕо,
30-ча үлэһит доруобуйаларын көрүү-истии сүрдээх ирдэбиллээх да, кутталлаах да үлэтэ этэ. Хас
биирдии оҕо доруобуйатын турук, уопсай эт-хаан өттүнэн сайдыыта медик билиититтэн-көрүү-
түттэн тутулуктааҕа. Төрөппүккэ сөптөөх сүбэ-ама биэрэрин эмиэ биир туспа үлэни ирдиирэ.
Онон, түмүктээн эттэххэ эмчит үлэтэ сүрдээх эппиэтинэстээх уонна наадалаах идэ буолар.

Ахтыыны оцордо I Хоро нэһилиэгин
ветеран фельдшерэ Варвара Васильевна ГУЛЯЕВА.
22.10.09 с.

216