Page 104 - Курбуьахтар А5а дойду кемускэлигэр

Курбуһахтар Аҕа дойду көмүскэлигэр

КОПЫРИН ИВАН НИКОЛАЕВИЧ
(1926-1995)

1926 сыл кулун тутар 11 күнүгэр I Курбуһах
нэһилиэгэр Ньылла алааска Николай Андреевич
уонна Мария Спиридоновна Копыриннар дьиэ кэр-
гэннэригэр төрөөбүт. Оччотооҕу оҕо сиэринэн кыра
сааһыттан үлэҕэ эриллэ улааппыт. «Кыһыл хар-
дыы» холкуоска чилиэнинэн киирэн араас үлэлэргэ
сылдьыбыт. Сэрии кэминээҕи сут, кураан дьыллар-
га Нам оройуонун Таастааҕар баран оттоон, кыс-
таан олорбуттар.
Аармыйаҕа 1945 сыл сааһыгар ыҥырыллыбыт
уонна илиҥҥи кыраныыссаҕа сулууспалаабыт. Япо-
нияны утары сэрии саҕаламмытыгар Маньчжурияны босхолооһуҥҥа кыт-
тан онно хаалбыт хунгузтар баандаларын суох оҥорууга сылдьыспыт.
«Японияны кыайыы иһин», «1941-1945 сс. Аҕа дойду Улуу сэриитигэр
килбиэннээх үлэтин иһин», Кыайыы үбүлүөйүнэй мэтээллэринэн наҕараа-
даламмыт.
Ытык иэһин толорон 1950 сыллаахха дойдутугар эргиллэн кэлбит. Тута
Мүрү орто оскуолатыгар киирэн үөрэммит. Ол кэнниттэн бэтэринээр буо-
лар баҕалааҕын толорон Төҥүлүтээҕи ОПТУ-га анал кууруска үөрэнэн
ветфельдшер идэтин ылан дойдутугар кэлэн үлэтин саҕалаабыт. Үлэлии-
үлэлии салгыы Дьокуускайдааҕы тыа хаһаайыстыбатын техникумугар
үөрэнэн орто анал үөрэхтээх исписэлиис буолбут. Бу идэтинэн уһун сыл-
ларга таһаарыылаахтык үлэлээбит.
1962 сыллаахха бэтэринээр идэлээх, Өлүөхүмэттэн төрүттээх Ефроси­
ния Афанасьевна Сухонинаны кэргэн ылан оҕо-уруу төрөтөн, элбэх сиэни
көрөн дьоллоох олоҕу олорбуттара.

Үлэлээбит кэрэ кэмнэрбит : Ветеринария историятыттан кэрчиктэр.— Бороҕон,
2011.— С. 13-15.

102