Page 105 - Курбуьахтар А5а дойду кемускэлигэр

Ким да умнуллубат, туох да умнуллубат!

КОПЫРИН МИХАИЛ МИХАЙЛОВИЧ
(1925-1997)

1925 сыллаахха I Курбуһах нэһилиэгэр Түүлээйи
алааска Мария Иннокентьевна уонна Михаил Заха­
рович Копыриннар дьиэ кэргэннэригэр үһүс оҕонон
төрөөбүт.
«Кыһыл хардыы» холкуоска үлэлии сылдьан
1943 сыллаахха Чурапчы оройуонун байыаннай ко-
миссариатынан ыҥырыллан фроҥҥа барбыт.
IV Украинскай фронт састаабыгар киирэр ар-
тиллерийскай чааска сулууспалаабыт. Берлин куо-
раты штурмалааһын кыттыылааҕа. Чехословакия,
Румыния, Венгрия, Польша сирдэрин өстөөхтөртөн
босхолоспут. Улуу Кыайыыны Берлин куоракка көрсүбүт, онно Кыайыы
парадын кыттыылааҕа.
«Германияны кыайыы иһин» мэтээлинэн, Аҕа дойду сэриитин II истиэ-
пэннээх уордьанынан наҕараадаламмыт.
1948 сылга диэри Дальнай Восток байыаннай чааһыгар сулууспатын
салҕаабыт. Төрөөбүт дойдутугар 1948 сыл ыам ыйыгар этэҥҥэ эргиллэн
кэлбит.
«Кыһыл хардыы» холкуоска, «Лена», «Сардаҥа» сопхуостарга үтүө суо-
бастаахтык үлэлээбит.
1997 сыллаахха ыалдьан орто дойдуттан барбыт. Хорсун саллаат оло-
ҕун сиэннэрэ, хос сиэннэрэ салгыыллар.

Копырин, В. Өйдүүбүт хаан-уруу дьоннорбутун / В. Копырин // Ленинскэй тэри-
йээччи.— 1990.— Сэтинньи 20 к.— С. 3.

103