Page 154 - Курбуьахтар А5а дойду кемускэлигэр

Курбуһахтар Аҕа дойду көмүскэлигэр

ОКОЕМОВ СЕРГЕЙ ТАРАСОВИЧ
(1924-1963)

1924 сыллаахха II Курбуһах нэһилиэгэр Нама-
ҕаттаҕа Февронья Анемподистовна Бурнашева уон­
на Тарас Максимович Окоемов дьиэ кэргэннэригэр
төрөөбүт. Кыыстара Өкүлүүн кэргэн тахсыбакка
эдэр сааһыгар олохтон туораабыт.
Түөрт кылааһы бүтэрэн баран, 14 сааһыттан
Жданов аатынан холкуоска хонуу биригээдэтигэр,
онтон да атын араас үлэлэргэ үлэлээбит.
1943 сыллаахха Чурапчы оройуонун байыан-
най комиссариатынан ыҥырыллан Окоемов Семен
Михайловиһы кытта бииргэ аармыйаҕа барбыттар,
Монголияҕа тиийбиттэрин кэннэ атын-атын чааска ыыппыттар. 53-с тан-
косамоходнай полкаҕа автоматчиктар батальоннарыгар сулууспалаабыт.
1945 сыллаахха империалистическай Японияны урусхаллыыр сэриигэ кыт-
тыбыт. Онно хорсуннук сэриилэспитин иһин И. В. Сталин махтал суругу-
нан уонна «Японияны кыайыы иһин» мэтээлинэн наҕараадаламмыт.
Аармыйаттан 1947 сыллаахха демобилизацияламмыт. Сытыы-хотуу эр-
чимнээх киһини Жданов аатынан холкуоска хонуу биригэдьииринэн анаа-
быттар. Өр сылларга Сталин аатынан, «Победа» холкуостарга биригэдьии-
ринэн, сылгыһытынан үлэлээбит.
Ефросиния Алексеевналыын олохторун холбоон ыал буолбуттар, хас да
сыл олорон оҕоломмотохтор. «Ол кэмҥэ төрөппүт ийэм Аммосова Мария
Гаврильевна мин биир да сааспын туола иликпинэ ыалдьан өлөн, Толоон
Эбэ ферматыгар ким сээн диэбит дьон көрүүтүгэр сырыттахпына, дьонтон
истэн, төрөппүт аҕам Бурнашев Николай Тихонович сөбүлэҥин ылан, мии-
гин оҕо оҥостон иитэ ылбыттар. Онон, икки аҥар саастаахпар, 1953 сыл
кулун тутар 19 күнүттэн Окоемов Семен Сергеевич диэн сүрэхтэммиппин.
Бу Сергейдээх Оппуруоһаны ийэ, аҕа оҥостон, соҕотох мааны оҕо буолан
итии сылаас сыһыаны билэн улааппытым. Дьайаакыга эһэм Өлөксөй Сэ-
мэнэбистээххэ олорор кэммитигэр Оппуруоһа ийэм уҥуох сөтөлө буолан
бу дойдуттан бараахтаабыта. Эһэм холкуос көлүүр атын, оҕуһун аһатара.
Аҕам биригэдьиирдиирэ», — диэн ахтар көҥүл тустууга ССРС спордун
маастара Окоемов С. С.
1958 сыллаахха иккиһин ыал буолар, Чурапчы Кытаанаҕыттан төрүттээх
Лыскова Екатерина Семеновналыын олохторун холбоон, үс оҕоломмуттар.

136