Page 164 - Курбуьахтар А5а дойду кемускэлигэр

Курбуһахтар Аҕа дойду көмүскэлигэр

Кини оччотооҕу улахан тутуулары туттарбыт Уус Күөлүгэр кулууп, ин-
тернат-оскуола объектарын, Сыырдаахха мастарыскыай, Орто Эбэҕэ, Бэй-
диҥэҕэ, Найахыга оскуола туттарбыт. Кини тутуу үлэтин тэрийэргэ улахан
дьоҕурдаах, үлэни тиһэҕэр тиэрдиигэ дьулуурдаах этэ.
«ССРС үтүөлээх тутааччыта» бэлиэнэн, Саха АССР Верховнай Сэбиэ-
тин Президиумун Бочуотунай грамотатынан наҕараадаламмыт.
Курбуһах нэһилиэгин Сэбиэтин бэрэссэдээтэлинэн өр сылларга үлэ-
лээбит П. Н. Аммосов ахтар: «Н. Д. Пестряков биһиги нэһилиэккэ бастакы
бөдөҥ тутуулары ыытыыга улахан үтүөлээх, 1955-1956 сылларга кулуубу
бырайыактаан, прорабтаан туттарбыта, 1958-1960 сылларга орто интер-
нат-оскуола икки мэндиэмэннээх үөрэнэр дьиэтин, оҕолор олорор корпус-
тарын о.д.а. салайан туттарбыта. Ол курдук, интернат-оскуоланы түргэн
тэтиминэн, үчүгэй хаачыстыбалаахтык туттаран бүтэрбитин иһин респуб­
лика үрдүкү правительственнай наҕараадатын туппута. Кэлин Чурапчы
оройуонугар Субуруускай аатынан сопхуоска, Уус Алдаҥҥа «Лена» соп-
хуоска тутууга, Эдьигээҥҥэ тутар-монтажтыыр учаастакка, «Эдьигээн»
сопхуоска прорабтаабыта».
1983 сыл кулун тутар 4 күнүгэр Эдьигээн оройуонугар үлэлии сылдьан
ыалдьан өлбүт. Аймахтара, оҕолоро төрөөбүт, улааппыт Бүтэйдээҕэр аҕа-
лан көмпүттэр. Кини олоҕун оҕолоро, сиэннэрэ, хос сиэннэрэ салгыыллар.

Күннэтэ ахсаабакка кыһаллан... : (ыйынньык) / [Курбуһах орто интернат-оскуо-
латын техническэй үлэһиттэрэ]. — Уус Күөлэ, 2012. -С. 12.
Кыайыыны уһансыбыт ытык ийэлэр / Арассыыйатааҕы «Билии» уопсастыба
Саха сиринээҕи салаата. — Дьокуускай, 2015. — С. 113.
Хаарыан сайылыкпыт Халарык Толооно : сырдык ааттар, ыра санаалар.— Дьо­
куускай, 2020.— С. 68-69.

146