Page 161 - Курбуьахтар А5а дойду кемускэлигэр

ПЕСТРЯКОВ КОНСТАНТИН ДМИТРИЕВИЧ
(1918-1943)

1918 сыллаахха II Курбуһах нэһилиэгэр Бүтэй-
дээххэ Дмитрий Егорович уонна Матрена Никола­
евна Пестряковтар дьиэ кэргэннэригэр төрөөбүт.
Курбуһах сэттэ кылаастаах оскуолатын бүтэрэн
баран «Октябрь» холкуоска үлэлээбит. 1937 сыл­
лаахха көлөнөн от оҕустарыытыгар үрдүк көрдө-
рүүлэрин иһин Уус Алдан стахановецтарын уонна
ударниктарын слетугар «Саха АССР 15 сыла» диэн
значогунан уонна булт саатынан наҕараадаламмыт.
Кини нэһилиэккэ, оройуоҥҥа биллэр спортсмен
эбит. Сүүрүүнэн, тустуунан, гирэнэн, хайыһарынан
дьарыктаммыт. «Бүтэйдээх-Уус Күөлэ-Бороҕон-Дьокуускай» маршруту-
нан хайыһар походугар кыттыбыт. Хайыһарга оройуон, Саха АССР уонна
Забайкальскай байыаннай уокурук чемпиона.
Саха Национальнай байыаннай оскуолатын, Иркутскай Сретенскэй ба­
йыаннай училищетын выпускнига. Кыһыл Аармыйаҕа 1939 сылтан 34-с
аармыйа своднай полкатыгар сулууспалаабыт.
1942 сыл тохсунньу 19 күнүгэр сэриигэ ыҥырыллан Хотугулуу-Арҕааҥ-
ҥы фронт 32-с аармыйатыгар сэриини саҕалаабыта. Старшай лейтенант
званиелаах. Сэриигэ батальон разведгруппатыгар сылдьан мындырын,
хорсунун көрдөрбүт. Кэлин Хотугулуу Арҕааҥҥы фронт 245-с стрелковай
дивизиятын 898-с стрелковай полкатыгар рота хамандыырынан сулууспа­
лаабыт. Инники фронтан байыаннай кууруска ыытан үөрэттэрэ сылдьы-
быттар. «Бойобуой үтүөтүн иһин» мэтээлинэн наҕараадаламмыт.
Хорсун сэрииһит 1943 сыл балаҕан ыйын 10 күнүгэр ыараханнык баа-
һырыы ылан өлбүт. Ленинградскай уобалас Старорусскай оройуонугар Яс­
ная Поляна дэриэбинэҕэ көмүллүбүт.

Иванов, И.Ф. Офицеры-якутяне — участники Великой Отечественной войны
1941-1945 гг.: (биографические справки) / И. Ф. Иванов,— Якутск, 1995,— С. 128.
Гурьев, К. Воспитанники Якутской военной школы в боях и труде / К. Н. Гурьев,—
Якутск, 2005,— С. 118.
* * *
Кыайыыны уһансыбыт ытык ийэлэр / Арассыыйатааҕы «Билии» уопсастыба
Саха сиринээҕи салаата, —Дьокуускай, 2015,— С. 113.
Хаарыан сайылыкпыт Халарык Толооно : сырдык ааттар, ыра санаалар. — Дьо­
куускай, 2020, —С. 53-54.
143