Page 34 - Курбуьахтар А5а дойду кемускэлигэр

Кцрбуһах.тар ;Дг,а дойди/ көлщскэлигэр

КЫАЙЫЫ!
АММОСОВ МИХАИЛ МИХАЙЛОВИЧ
(1925-2011)
1925 сыл от ыйын 25 күнүгэр II Курбуһах нэһи-
лиэгэр Хамыдалга Михаил Семенович уонна Варва­
ра Александровна Аммосовтар дьиэ кэргэннэригэр
төрөөбүт. Кыра сааһыттан оҕус сиэтэн сир хорутуу-
тугар, от үлэтигэр дьонугар көмөлөһөн улааппыт.
1941 сыллаахха Курбуһах 7 кылаастаах оскуолатын
бүтэрэн, холкуоска үлэһит буолбут.
1943 сыл от ыйын 1 күнүгэр Чурапчы оройуонун
байыаннай комиссариатынан ыҥырыллан фроҥҥа
барбыт. 18 саастаах эдэркээн уол Забайкальскай ба­
йыаннай уокурук 17-с армиятыгар 356 №-дээх киин
байыаннай ыскылаатыгар сулууспатын саҕалаабыт.
1947 сылтан 55-с туспа Хинганскай полк Кыһыл
знамялаах 1-гы батальонугар сулууспалаан баран,
1948 сыллаахха демобилизацияламмыт.
Сэрииттэн кэлээт 2 сыл устата Дьокуускайга Лена өрүс пароходство-
тыгар военизированнай чааска үлэлээбит. 1950 сыллаахха ис дьыала орга-
ныгар сулууспатын саҕалаабыт. Дьокуускайга, Уус Маайаҕа, Чурапчыга,
Уус Алдаҥҥа паспортнай остуол начальнигынан, старшай следователинэн,
ис дьыала отделын начальнигынан өр сылларга бэриниилээхтик үлэлээ-
бит, милиция подполковнига. Үлэлии сылдьан Хабаровскайдааҕы милиция
үрдүкү оскуолатын кэтэхтэн үөрэнэн бүтэрбит. 1974 сыллаахха пенсияҕа
тахсан баран оройуоннааҕы типографияҕа дириэктэринэн, онтон райсовет
исполкомугар социальнай харалта отделын сэбиэдиссэйинэн 1980 сыллаах­
ха диэри ситиһиилээхтик үлэлээбит.
Уус Алдан оройуонун бочуоттаах олохтооҕо Аммосов М. М. Аҕа дойду
сэриитин II истиэпэннээх уордьанынан, «Японияны кыайыы иһин», «Ми­
лиция туйгуна» бэлиэнэн, «Ис дьыалаҕа эҥкилэ суох сулууспатын иһин» I,
II, III истиэпэннээх мэтээллэринэн, Кыайыы үбүлүөйүнэй мэтээллэринэн
наҕараадаламмыта.
Михаил Михайлович олоҕун оҕолоро, сиэннэрэ, хос сиэннэрэ салгыыллар.

Хамыдаллар: (ахтыылар). — Дьокуускай, 2013.— С. 29-36.
* * *
Албан ааттаах ытык кырдьаҕас : [Аммосов М. М. ахтыыта] // Мүрү саһарҕата,—
2008,— Тохсунньу 22 к.
32