Page 32 - Курбуьахтар А5а дойду кемускэлигэр

Курбуһахтар Аҕа дойду көмүскэлигэр

АММОСОВ ИННОКЕНТИЙ СТЕПАНОВИЧ
(1902-1975)

1902 сыллаахха II Курбуһах нэһилиэгэр Ха-
мыдалга Степан Маркович уонна Мария Ивановна
Аммосовтар дьиэ кэргэннэригэр төрөөбүт. Биир-
гэ төрөөбүт иккиэлэр, ийэлэрэ кыра эрдэхтэринэ
өлбүт.
Эдэр сааһыттан «Октябрь» холкуоска араас үлэ-
лэргэ үлэлээбит, аатырбыт айанньыт. Кини көмүс-
тээх Алдаҥҥа кыһыны быһа көлөнөн таһаҕас тас-
пыт, олус сыралаах сырыылары Моой үрэххэ сыл-
дьыбыт.
1937 сыллаахха II Байаҕантай нэһилиэгиттэн
төрүттээх Готовцева Н. С. кэргэн ылан, сэриигэ барарыгар үс саастаах уол
оҕолоох эбит.
Аҕа дойду Улуу сэриитигэр 1941 сыллаахха ыҥырыллыбыт. 97-с стрел-
ковай дивизия 69-с стрелковай полкатын 3-с стрелковай батальонугар сэ-
риилэспит. Маҥнайгы сүрэхтэниитэ Харьков куорат аттыгар буолбут. Ман­
на өстөөх төгүрүктээһинигэр түбэһэн баран, түөрт түүннээх күн утуйбакка
да, аһаабакка да охсуһан, умайа сытар хонуулары, дэриэбинэлэри туораан
өстөөх халыҥ күүһүн көҥү көтөн тахсыбыттар.
1943 сыллаахха Орловскай уобалас сиригэр Никольскай дэриэбинэ
таһыгар Иннокентий Степанович хорсун быһыыны көрдөрбүт: алларанан
кырыйа көтө сылдьар өстөөх самолетун бойобуой винтовканан күүстээх
утары уоту аһан, суулларан түһэрбит. Бу хорсун быһыытын үрдүктүк сыа-
налаан, ССРС Верховнай Советын Президиума Албан аат III истиэпэннээх
уордьанынан наҕараадалаабыт.
1943 сыллаахха Курскай Тоҕойугар буолбут сэриигэ Орловскай уобалас
сиригэр ыараханнык бааһыран, эмтэнэн үтүөрээт, Ленинград уоттаах сэ-
риитигэр кыттан, ыараханнык бааһыран, хаҥас илиитин быстаран, көхсү-
гэр сүүрбэччэ буулдьа суола дьөлө көппүт чэрдэнэн, бэйэтин кыаммат буол-
бут хорсун буойуну Дьокуускайга диэри икки байыаннай сиэстэрэ кыһыл
оҕолуу көтөҕөн, ыарыылаан аҕалбыттар. Дьокуускай балыыһатыгар хас да
ый эмтэнэн дойдутугар кэлбит. Сут-сутурҕан сылларыгар уола, аҕата хор-
гуйан өлбүттэр. Кэргэнэ чугас ыалларын көмөтүнэн тыыннаах ордубут.
Сэрииттэн кэлээт холкуоһугар туруу үлэһит буолбут, аҥар илиилээхпин
дэммэккэ от-мас тиэйиитигэр үлэлээбит.

30