Page 19 - Сахаайа Ермолаева Күөрэгэйим ыллаата

ОлОХПУН САҔАЛААТЫМ ЭРЭ
Мин сүрэхпэр — олох тыалырар
Арыт тымныынан, арыт сылааһынан.
Олоробун салгыбакка ол да иһин, —
Байабын ол утарсыыларынан.

Мин өйбөр — олох тыалырар
Арыт кырдьыгынан, арыт сымыйанан.
Олоҕу дьиктиргиибин, ол да иһин, —
Таабырыннарын таайаары дьулуһан.

Мин дууһабар — олох тыалырар
Салгын, буор, ийэ куттарынан.
Олоробун саха буолан, ол да иһин, —
Үрэллиэ суохтаах ус куппар сугуруйэн.

Үс, сэттэ, тоҕус ахсааннарынан
Тогурутуллубут толкобор эрэнэбин.
Олортон ус бастакыларынан
Олохпун саҕалаатым эрэ диибин.

Будуруйэн да тураммын,
Тулуһарга дьулуһабын.
Тоһе даҕаны мунчаардарбын,
Үчүгэйгэ туруулаһабын.

"Олох — охсуһуу!" — дииллэр дьон.
Ону мин чахчы итэҕэйдим.
Итини эрдэ билбэтэхпэр
Элбэҕи сүтэрэн итэҕэстийдим.

Ол эрээри адьас билбэккэ
Сылдьардааҕар, хойут да билбиппин
Сирбэппин: халтарааҥҥа, хаарга-
силбиккэ
Мунарбар, ол эркээйим буолуо
диэхтээхпин.
II 17