Page 11 - Дорообо оскуола
P. 11
Уйгу сирэ - Уус Алдан
В. Парников, И. Сыроватскай тыллара,
В. Парников мелодията
Байаҕантай, Дүпсүн сирэ
Бороҕоннуун сүбэ булан,
Алдан, Лена тардыытыгар
Айар-тутар, үүнэ турар.
Күүстээх үлэ күүрэр сирэ
Төрүт дойдум Уус Алдан,
Удьуор саха ууһуур, сайдар
Уйгу сирэ - Уус Алдан.
Лөгөй Тойон ото корен
Нууччалардыын доҕордоспут,
Күлүмнүүртэн өркөн өйү
Үөрэх-сайдыы суолун туппут.
Дьоһун-мааны чулуу дьонноох
Дьоллоох дойдум - Уус Алдан,
Удьуор саха ууһуур, сайдар
Уйгу сирэ - Уус Алдан.
Хабырылла Дьөгүөрэптэн
Үлэ, сэрии геройдардаах,
Аан дойдуга тиийэ туойбут
«Кэнчээрилиир» ыччаттардаах.
Талба талаан тахса турар
Таптыыр дойдум - Уус Алдан
Удьуор саха ууһуур, сайдар
Уйгу сирэ - Уус Алдан.
